Mondoñedo, 21 de abril de 2017.- A alcaldesa de Mondoñedo, a popular Elena Candia, fixo entrega esta mañá dos cheques aos beneficiarios das axudas xestionadas polo Goberno local dirixidas a subvencionar obras de mantemento e intervención en edificacións do conxunto histórico e dos barrios de San Lázaro e Os Muíños.
Esta liña de axudas da área de Rehabilitación do Concello de Mondoñedo desenvólvese anualmente no marco do convenio subscrito entre a administración local, o Ministerio de Fomento, que achega os fondos, e máis o Instituto Galego de Vivenda e Solo da Xunta de Galicia.
En concreto, na edición número 14 deste convenio, e que vén de pagar o Concello de Mondoñedo, encargado de xestionar e tramitar as axudas, colaborouse economicamente cun total de 22 actuacións, que afectaron principalmente a fachadas e cubertas. O importe total das achegas foi de 93.484,10 euros.
Elena Candia considera moi importante este convenio, xa que entende que é de imperiosa necesidade manter en bo estado o casco urbano da cidade e, neste eido, anima a seguir investindo “no noso patrimonio”
Así, o Concello de Mondoñedo xa aprobou a convocatoria do presente ano, cuxas bases aparecerán publicadas nos vindeiros días no Boletín Oficial da Provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
