Se alguén busca esa data en Google probablemente a referencia deportiva q atope sexa unha semifinal de Champions entre Real Madrid e Bayern de Munich que se decidiu cun portentoso lanzamento de Sergio Ramos. Ó mesmo tempo, eiquí en Burela xogabase unha das últimas xornadas da Segunda División masculina de Fútbol Sala entre o noso clube e o filial do FC Barcelona. Esa noite a victoria laranxa servía para dar un paso cara o play off de ascenso e tamén para certificar un ano mais a permanencia nesa categoría. Algúns estabamos no Vista, outros, a maioría, estaban vendo o Madrí.
Esa tempada rematou co Burela en primeira pese a perdelo play off en Martorell. Semella que foi onte, pero foron 5 anos marabillosos, que pasaron voando. Ata este Venres que perdimos a categoría do equipo masculino. E fomos a copa, dúas veces. E fixémoslle o Pozo xogar un desempate en Murcia. E xogamos semis de Copa do Rei. E gañámoslle a Inter e empatamos co Barça. David no medio dunha morea de Goliats. Ahí crimos que era o normal. Levantamos os pés do chan e perdimos a percepción da realidade.
Todos. Non nos valía o décimo posto, estar entre os mellores era case obriga e non vimos o perigo real do descenso. Ata este Venres, cando o noso emblema, Iago Míguez, era a imaxe coa súa choreira. Igual ca sendo un cativo de 6 anos, enfundado na mítica camisola verde do Barça, cando perdía o partidillo do adestramento no mesmo pavillón, daquela unha pista de cemento. O mesmo Iago. Toda unha revelación. Voltamos comezar?
O título de campión do equipo Xuvenil quere dicir tamén moitas cousas. Unha entidade de futuro debe saber converter as adversidades en oportunidades e esta é moi grande. Tan grande coma o CD Burela FS. Que no intre seguinte a estar descendido felicitou os seus rivais. O seu presidente non agardou nin un minuto para saudar os rapaces que perderon a liga contra os laranxas o domingo.
Cometemos moitos erros pero algo faremos ben para ter un dos mellores equipos da liga feminina. Temos que valorarnos mais, a nós, ós nosos, tan capaces coma os de fora. Capaces de voltar a encher Vista Alegre en primeira, aínda sendo os décimos. Para non valorarnos na nosa xusta medida xa estiveron as grandes institucións e medios públicos.
Nos títulos pero tamén nos descensos. Somos da Mariña, cheiramos a mar.
FORZA BURELA! VOLTAREMOS!
Mario Pillado Mon
Voceiro BNG Burela e sobre todo afeccionado do CD Burela
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
