Lugo, 25 de maio de 2017. A Deputada de Economía, Recadación e Facenda, Mayra García Bermúdez, o Alcalde de Burela, Alfredo LLano García, xunto con membros da corporación municipal desta localidade, inauguraron este xoves os vestiarios do campo de fútbol da Marosa. Esta infraestrutura que foi financiada na súa totalidade polo organismo provincial, contou cun investimento de 100.000 euros.
García Bermúdez avanzou que con este novo equipamento os veciños de Burela ven cumprida unha das súas demandas. “Esta nova dotación responde a unha petición da Sociedade Deportiva de Burela e de todos os seus integrantes, e hoxe estamos aquí para cumprir coa palabra dada. O pobo de Burela conta dende hoxe cuns novos vestiarios que contribuirán a seguir incentivando a práctica deportiva nesta localidade”.
Alfredo Llano agradeceu o compromiso da Deputación cos veciños de Burela. “Fai uns días aquí, neste mesmo campo, recibiamos a visita do Presidente da Deputación, Darío Campos onde anunciou un investimento de 800.000 euros para dotacións públicas municipais; e hoxe volvemos a falar de investimentos coa inauguración deste novo equipamento deportivo. Todos os deportistas de Burela están de noraboa, ademais neste campo adestran todas as categorías do fútbol burelense, dende os máis pequenos, os prebenxamíns ata os xuvenís, un total de 170 deportistas. Polo tanto respondemos a unha necesidade básica que beneficia a todos os que veñen a adestrar a este campo de fútbol”.
Dinamización Social
O Goberno da Deputación xa achegou un total de 210.000 euros para a dinamización social de Burela, contribuíndo de xeito decisivo á actividade que desempeñan os colectivos de toda índole deste Concello, pois nesta partida inclúense as axudas a colectivos culturais e deportivos para o desempeño das súas actividades. Concretamente para o Club Deportivo Burela, que é o único club de España con equipo masculino e feminino en 1ª División de Fútbol Sala. Tamén promoveu outro tipo de eventos deportivos como a Liga Galega Traíñas, a promoción do Fútbol Sala coa Fundación Imdecum, ou ao Clube Baloncesto Burela .
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
