Lugo, 31 de maio de 2017.- O Grupo Provincial do PP denuncia que o Goberno da Deputación segue a acumular atrasos na elaboración do Plan Estratéxico de Turismo e despois dun ano só foi quen de presentar conclusións nesta materia pero sen ter aínda “entre mans un proxecto que incentive o turismo na provincia”.
Pese a que en maio de 2016, acadando un acordo unánime; o Grupo Popular solicitou medidas promovidas pola Deputación de Lugo en materia turística, non foi ata o mes de decembro cando o Goberno de Campos aprobou a adxudicación da elaboración do plan. É dicir, “daquela e tras máis dun ano á fronte da institución lucense, a desidia e a falta de traballo dos socialistas leváronnos a non ter nin comezado a elaboración do plan. Transcorridos outros cinco meses, aínda non o temos tampouco entre mans”.
Para os populares, “a falta de xestión é de novo manifesta. Só buscan titulares de prensa sen ter desenvolvido o proxecto que demanda o sector. A súa despreocupación ante un eido de especial relevancia na provincia amósase de xeito continuado, non sendo capaces de sacar adiante o plan pese a dispoñer da dotación orzamentaria necesaria”, lamentan.
Dende o Grupo Popular aseguran que son “inadmisibles” máis demoras para traballar todos xuntos por unha provincia que “conta con catro dos catorce xeodestinos nos que a Lei de Turismo de Galicia divide a Galicia; con seis declaracións da UNESCO, sendo a provincia de toda España que ten máis declaracións por parte da UNESCO; ao que sumamos catro dos Camiños recoñecidos oficialmente a Santiago; e somos, obxectivamente, a provincia de España con máis quilómetros de rutas xacobeas; ademais de ter un magnífico atractivo nas montañas de Courel e dos Ancares; un forte potencial turístico das mellores praias e dunha cidade bimilenaria como Lugo; ou ser o destino de turismo rural de interior de toda España co maior crecemento nacional; entre moitos outros recursos”.
Os populares traballaron “centrados en loitar por acadar melloras no eido turístico” e mesmo ante os atrasados na xestión da Deputación, que pasado un ano só tiña posto en marcha un proceso de contratación dun plan en materia turística, presentou a súa propia proposta que incluía “un plan moi completo en materia turística, no que se tiña en conta ao sector e puña en valor os nosos recursos”.
Ente provincial de turismo
Dende o Grupo Popular, tamén lle preguntan ao Goberno da Deputación en qué fase se atopa o proceso de constitución do ente provincial de turismo “xa que seguimos acumulando tamén un ano de atraso”, lamentan, dende que os populares pediran en pleno a constitución desta comisión que aglutinaría a todos os entes vinculados co sector para acadar, deste xeito, unha promoción integral da provincia. A iniciativa do Grupo Popular resultara aprobada por unanimidade en maio de 2016 pero hoxe “atópase entre unha das moitas promesas incumpridas do Goberno socialista”, pese a ser demandada a súa constitución polo Eixo Atlántico.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
