Ferrol, 7 de xuño de 2017.- A Autoridade Portuaria Ferrol-San Cibrao (APFSC) confirma, en base ao informe encargado á asesoría xurídica de Puertos del Estado, a correcta tramitación ambiental, urbanística e administrativa da concesión outorgada para a instalación dun hotel no faro da Illa Pancha, en Ribadeo.
Desde a APFSC remiten senllos escritos ao Concello de Ribadeo e á Defensora del Pueblo trasladándolle as conclusións do devandito informe, que avala na súa totalidade o procedemento seguido e, en consecuencia, deduce a improcedencia da petición de revisión do Concello e rexeita respectuosamente a suxestión formulada pola Defensora.
Resposta ao Concello
No caso do Concello de Ribadeo, a APFSC estima que a pretensión municipal de revisar de oficio a concesión outorgada para o uso hostaleiro do faro, alegando un vicio de nulidade, é “xuridicamente inapropiada” xa que, ademais de ir contra os propios actos da administración local, non concorren as causas de nulidade previstas na lexislación vixente e que son de interpretación restritiva.
O informe xurídico lembra que a postura do Concello foi favorable ao uso do faro, nun primeiro momento admitindo o seu destino hoteleiro e despois outorgando a licenza correspondente para a execución obras. Ademais, tras mencionar unha por unha as causas de nulidade previstas na lexislación vixente, conclúe que non se dá ningún destes casos e, polo tanto, non procede aceptar a pretensión municipal de revisar a concesión.
Resposta á Defensora del Pueblo
Por outra banda, en relación coa suxestión realizada pola Defensora del Pueblo de tramitar unha avaliación ambiental simplificada para a concesión hoteleira do faro, a APFSC conclúe, en base ao informe xurídico, que este trámite non procede, porque as obras realizadas non afectan de xeito apreciable ao espazo protexido por Rede Natura e, de feito, o proxecto cinguiuse a unha remodelación interior da antiga casa do fareiro ata o momento sen uso.
A asesoría xurídica explica ademais, en todo caso, que, na tramitación da actuación, contouse coa consideración de varios órganos con competencia ambiental, segundo se explica no propio expediente, en concreto, os respectivos informes favorables da Dirección Xeral de Sostibilidade da Costa e do Mar e de distintos departamentos ambientais da Xunta de Galicia. Finalmente, a APFSC lembra que a administración urbanística competente informou en sentido favorable tamén o proxecto de reforma interior das antigas instalacións do faro de Illa Pancha, extremo polo que se interesaba a Defensora del Pueblo no seu escrito.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
