Lugo, 8 de xuño de 2017.- A directora de Turismo de Galicia, Nava Castro, e o delegado territorial da Xunta en Lugo, José Manuel Balseiro, presentaron hoxe aos profesionais do turismo da provincia de Lugo a Estratexia do Turismo de Galicia 2020, a folla de ruta do turismo galego para os vindeiros catro anos.
Como explicou Nava Castro, a estratexia ten como obxectivo que o turismo en Galicia medre e que o faga da man da calidade e sustentabilidade. Porque se o ano pasado a Comunidade galega recibiu preto de 5 millóns de visitantes, a meta está en seguir batendo récords ata alcanzar os 6 millóns de turistas e que un tercio deles procedan do mercado internacional.
Ante a presenza de numerosos empresarios do turismo da provincia de Lugo, durante o acto tamén se afondou na aposta da Administración por traballar conxuntamente da man do sector e axudar a mellorar a súa rendibilidade, con prezos máis competitivos e incrementando tamén a ocupación media hoteleira.
Impulso do uso turístico da paisaxe
“Falamos de obxectivos ambiciosos, pero tamén alcanzables e que conseguiremos a través das 11 liñas estratéxicas nas que se divide o plan, que conta cun investimento global a 4 anos de máis de 240 millóns de euros”, indicou Nava Castro.
Tamén se incidiu na aposta da estratexia por un modelo de turismo tranquilo, sustentable, competitivo e diferenciado no ámbito global e adaptado aos cambios do mercado, recordando que un dos eixos desta estratexia pasa por impulsar o uso turístico da paisaxe, desenvolvendo iniciativas ao redor de ecoturismo, entre outras.
O acto contou coa presenza de profesionais do sector da gastronomía e hostalería da zona, que debateron sobre enogastronomía, emprendemento turístico, cascos históricos e gastronomía, entre outros asuntos.
A presentación da Estratexia do Turismo de Galicia 2020 en Lugo responde ao obxectivo de Turismo de Galicia por achegar esta nova folla de ruta a todo o sector con presentacións sectoriais nas diferentes provincias galegas, tras a presentación oficial en Santiago o pasado mes de maio.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
