Ribadeo 9-6-17. Logo de que na xornada do luns e do mércores non houbese barco, os estibadores do Porto de Ribadeo, non puideron comezar a folga do seu sector ata a mañá deste venres na que os dous operarios, dos catro que actualmente compoñen a plantilla, que estaban chamados á labor de carga dun barco de pasta de papel secundaron a folga ao igual que o leva facendo o 100% do sector nas xornadas anteriores.
Cómpre lembrar que a decisión de convocar os paros (que se desenvolven dende as nove da mañá durante as horas impares) tomouse logo de rachar as negociacións coa patronal Anesco, que está a incumprir o preacordo alcanzado coa representación sindical a través do que se garantía a subrogación de todo o persoal que vén prestando os seus servizos nas SAGEP.
A subrogación de todo o persoal é un dos elementos fundamentais das reivindicacións dos traballadores e traballadoras do sector, no marco do conflito aberto polo proceso de “liberalización” da estiba.
O conflito xurdiu a raíz da aplicación da sentenza do tribunal europeo que obriga ao estado español á modificar a lexislación para liberalizar o sector.
Aproveitando esta circunstancia, o goberno español, a través dun Real Decreto, pretende liberalizar a actividade de carga e descarga de mercadorías nos portos, beneficiando as grandes empresas en detrimento das condicións laborais dos traballadores/as; xa que impón un modelo no que as empresas poderán contratar libremente e cando o precisen (a modo dunha ETT) ás e aos estibadores.
É decir, como explica Xoán Díaz, da CIG A Mariña, que aproveitando unha sentenza que trataba de regular a contratación, única e exclusivamente (algo ao que nunca se opuxo o colectivo de traballadores), pretenden que as empresas se poidan desprender do 75% da plantilla en tres anos , mesmo pagando as posibles indennnizacións con cartos públicos, para que despois mediante unha especie de bolsa de emprego poidan contratar cando o precisen.
Fronte a isto dende o colectivo demandouse do goberno introducir garantías para a subrogación de todo o persoal pero o goberno optou por deixar esta cuestión na negociación colectiva entre a parte social e a patronal Anesco. Aínda que se acadou un preacordo para garantir o mantemento do emprego, as negociacións finalmente racharon logo da patronal negarse a cumprilo.
Á espera de seguintes reunións que poidan desbloquear a situación, que se agardan para o vindeiro martes, a semana que vén hai unha nova convocatoria de folga que arrinca con 48h ininterrompidas de paro entre o mércores 14 e o venres 16 e tres días máis, o 19,21 e 23 con paros nas horas impares.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
