Santiago de Compostela, 9 de xuño 2017.- A deputada do BNG, Montse Prado preguntou hoxe ao Goberno polas continúas reducións da cota de pescada e os plans para a súa recuperación. Prado denunciou que nunha década, este recurso non recuperou a súa actividade. O ano pasado,explicou, a rebaixa foi do 15% e neste ano a caída será do 22%. Estes datos, dixo contrastan coa valoración da conselleira do Mar, Rosa Quintana, sobre “o inmenso esforzo negociador” do Ministerio tendo en conta que a proposta inicial era unha diminución do 60,2%. Neste sentido, denunciou a posición da consellería e “os continuos recortes á flota galega”.
Por outra parte tamén salientou a situación discriminatoria a respecto de Portugal. Os barcos lusos, explicou, poden pescar con máis cota, durante as fines de semana, e descargar nas lonxas galegas, mentres os mariñeiros galegos “non poden ir ao mar”.
A deputada indicou que en tres anos a flota galega padeceu unha rebaixa de 3.678 Toneladas sobre uns TACs xa excesivamente “reducidos e insuficientes” e tamén se referiu a flota da volanda cun reparto individual “ moi baixo” e sen alternativas para poder traballar o resto o ano ao establecer un máximo de 141 días cunha cota moi minguada.
A escaseza de pescada e falta de cota obriga a flota a mudar a un cambio temporal de artes incrementando os gastos adicionais para adaptar as embarcacións a outras pesquerías. Gastos, asegurou, que poden acender a 15.500 euros como os asumidos por oito pesqueiros da Confraría de Cedeira.
A parlamentaria reiterou que a intención da Unión europea é despezar a flota galega e para iso conta coa “conivencia do Goberno galego”. Non hai máis que ver, as dificultades da flota da volanta e as medias impostas ás artes menores. O Goberno galego, denunciou, rexeita asumir as súas competencias en augas interiores provocando que a flota de artes menores teñan que asumir cotas, a pesar de ser unha pesca “sustentable”.
A deputada preguntou polo balanzo da Xunta para a recuperación da pescada, tras 12 anos de poñer en marcha o plan, está recuperado o caladoiro, e se o Plan de xestión serviu para mellorar as zonas de veda e desove.
Pola súa parte, a directora de Pesca, Mercedes Rodríguez asegurou que existen dous plans para recuperar a pescada, norte e sur, e os resultados de ambos plans acadaron os obxectivos ao que a parlamentaria replicou que, a Consellería do Mar mantén unha posición “displicente” co sector ata o punto de nin sequera recibilo a pesar das moitas peticións e especificou que as preguntas formuladas polo BNG referíanse a pescada do sur pero vostede volve a “manipular e non se atén ao que preguntamos”, reprochou.
Vostedes actúan como “figurantes” e agardando a que a flota desapareza e non teñen ningún rubor en afirmar que as medidas son aceptadas polo sector pero “os gastos nas embarcacións e os TACs” foron amplamente rexeitados, o que sucede, matizou a nacionalista, están obrigados a aceptalas para non ser “ilegais”. Finalmente, Prado pediu rigor a directora de Pesca e que se reúna co sector abrindo un diálogo que neste momento “non existe”, concluíu.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
