Foz 15-6-17. O Grupo Municipal de Foz Plataforma de Futuro, Luís Alfonso Sixto Legaspi, Juan Luís González Riveiro e María Peña Rubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:
EXPOSICIÓN DE MOTIVOS
Nos pasados días comezaba unha obra moi importante para o noso Concello, e máis concretamente no Casco Urbano de Foz, como é a remodelación da Avda. da Mariña, obra que na firma do Convenio que se realizou o 16/07/2016 na Casa Consistorial ascende a un importe de 860.000€. Esta actuación inscríbese no Plan Urbe, posto en marcha no 2010 e que ten un triple obxectivo: fomentar a humanización das vilas, favorecer a cooperación da administración Autonómica e os Concellos; e promover o re equilibrio territorial en Galicia.
Esta avenida fai uns anos tivo unha importante inversión para a recollida de augas pluviais, despois de que durante moito tempo os veciños e comerciantes desta rúa sufriran importantes inundacións cada vez que chovía fortemente.
Despois de ter aceso ó proxecto observamos como nesta importante cantidade de diñeiro que se destina para facer esta obra non están incluídas dúas necesidades imperiosas que ten esta rúa, e así, se lle fixo saber ó Alcalde do Concello de Foz, dende “Foz, Plataforma de Futuro” en varias ocasións, como son a renovación da tubaxe de saneamento, actualmente cunha antigüidade de máis de 40 anos e tubos de cemento de 300mm e 1metro de lonxitude cada tubo polas dúas marxes da estrada, e a tubaxe da auga polas dúas marxes da estrada, tamén cunha antigüidade de máis de 40 anos, tubos de fibrocemento de 100 mm e algunha acometida para as vivendas aínda en chumbo.
Na reunión que houbo na Casa da Cultura do noso Concello o 26/05/2017 para informar ós veciños e veciñas do proxecto desta rúa, houbo veciños que se preocuparon por este importante tema, xa que entenden como entendemos dende FPF que invertendo tanto diñeiro nesta obra, non é de recibo deixar sen cambiar os servizos que hai enterrados, poñendo moi bonita a rúa e deixando unha bomba debaixo , o que vai provocar que dende que estea rematada esta obra vai volver a ter que levantarse, como está sucedendo noutras rúas que se cambiou o firme e agora está parcheado novamente.Dentro duns anos estará remendada esta rúa e vai haber que proceder novamente ó seu levantamento e procederse á renovación do saneamento e da rede de auga o que vai provocar un novo prexuízo para os comerciantes os veciños e un incremento moi importante do gasto, xa que é moi distinto proceder a facer o cambio deses servizos agora en obra que non despois con obra nova.
O ideal era que se cambiara todo o tramo que se vai ver afectado por estas obras, pero xa o tramo dende Abanca ata a parada de taxis o vemos como practicamente imposible, xa que vai a obra bastante avanzada, pero estamos a tempo de corrixir un erro importante como corriximos o proxecto da Rúa Álvaro Cunqueiro, e o equipo de Goberno accedeu a incluír a proposta de FPF para a renovación da rede do saneamento, rede de augas e poñer nova a rede de augas pluviais.
Pedimos á Corporación aprobar por unanimidade esta moción, para cando sexa remitida ó organismo correspondente vexan que é unha inversión necesaria e importante, e un aforro de diñeiro para un futuro non tan lonxano.
Por todo o anteriormente exposto propoñemos á Corporación Municipal a aprobación do seguinte acordo:
-Solicitar á Consellería de medio ambiente, territorio e infraestruturas da Xunta de Galicia , e máis concretamente a Augas de Galicia, faga o estudio pertinente e poña a partida presupostaría suficiente para a renovación da rede de saneamento e rede de auga potable na Avda. da Mariña aproveitando as obras que se están a realizar de humanización desta rúa, da que xa dispoñen o proxecto e hai acordo de convenio entre as dúas administracións.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
