O Grupo Municipal de Foz Plataforma de Futuro, Luís Alfonso Sixto Legaspi, Juan Luís González Riveiro e María Peña Rubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:
EXPOSICIÓN DE MOTIVOS
No Pleno do pasado mes de abril, na orde do día, incluíase a proposta do equipo de goberno de modificación de crédito para dar uso ó remanente do ano 2016 neste ano 2017. Unha das propostas que se incluía era poñer unha partida presupostaría de 10.000€ para dotar dúas prazas do noso Concello de zoa wifi gratuíta para todas aquelas persoas que quixeran usalo. Esta proposta fora incluída no programa electoral de “Foz, Plataforma de Futuro”, e así mesmo foi pedida por este mesmo Grupo Municipal para incluír nesta modificación de crédito durante as negociacións do presuposto para o ano 2017. Nos últimos días vimos como o Alcalde do noso Concello saía nos medios de comunicación propoñendo algún nome dalgunha praza onde podería incluírse este proxecto.
Sen embargo dende a nosa formación, quixemos consultar cos veciños e veciñas cales serían as prazas nas cales poderíamos poñer este servizo en marcha, e así instalar este servizo escoitando as necesidades reais dos nosos veciños e veciñas.
Os resultados de dita enquisa foron os seguintes:Praza Conde de Fontao 37,7%,Praza Rosalía de Castro (Campo da Cabana) 23,2%, Praza de Vilalba 10,1%, Praza Martinez Otero 10,1%, Praza Antón Vilar ponte 4,3%, Praza Pardo de Cela 4,3%, Praza de Galicia 4,3%, Outras 5,8%.
Por todo o anteriormente exposto propoñemos á Corporación Municipal a aprobación dos seguintes acordos:
1-Dotar de zoa wifi a praza Rosalía de Castro(Campo da Cabana) e o parque Conde de Fontao.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
