Desque o home, ó desprazarse por terra firme, topouse con ríos e mares, pensou na forma de atravesalos. A intelixencia levouno a utilizar troncos de árbores e pieis de animais cheas de aire, capaces de axudarlle a superar o atranco.
Desde estes recursos primixenios aos grandes buques que, equipados coas mais avanzadas tecnoloxías, percorren tódolos mares, a evolución da construcción e o equipamento naval, foron parellos ó progreso da humanidade. As ansias de descubrir e colonizar novas terras; os posibles dos espacios mariños para os enfrontamentos bélicos; as ventaxes que para o tansporte de persoas e mercadurías significa cruzar os ecéanos; o que para os pobos representan os recursos naturais, como a pesca … fixeron que ó longo da historia fose tan importante a dedicación das xentes da beiramar ós oficios relacionados con ela ; entre os que se atopan os asteleiros ou “carpinteiros de ribeira”.
Para nós, as mais vellas noticias refírense ó século XV no que o Licenciado Molina, coengo da catedral de Mondoñedo , publica a “Descripción del Reino de Galicia” (1550) e dí : “en Foz se construyen gentiles navíos y de mucho porte”. O historiador López Ferreiro en “Galicia en el último tercio del S. XV”: “para el sostenimiento de la marina gallega había en Galicia varios astilleros”, e cita a Foz en primeiro lugar. Nos tempos modernos, o primeiro ubicouse na Espiñeira; alí se construiron os cargueiros “Electra do Masma”,”Avelino” e o “Espiñeira”.
En 1916 instálase na “Fonte” Juan Mª Néciga. A mediados do s.XX eran 5 os asteleiros funcionando.
En 1989 botouse neste o que entón era o pesqueiro de madeira mais grande do mundo, para a frota de Orio-Guipúzcoa.
Outros nomes da nosa historia asteleira : Xosé Lestegás, irmáns Beltrán, Graciano, Santiago da Puebla, David del Riego.Fraga.
Esta é, extractada ó máximo, a extensa e brillante páxina asteleira de Foz, da que só nos queda a nostalxia…
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
