Burela, 27 de xuño de 2017. Burela contará con 8 socorristas este verán nos seus areais. Foron solicitados 10 a través dos plans de cooperación á Xunta, que so lle concedeu 7. O Concello asumirá a contratación dun máis. O alcalde, Alfredo Llano, critica o retraso de todo o proceso por parte da administración autonómica e considera insuficiente o tempo que eses profesionais estarán nas praias, os meses de xullo e agosto.
O rexedor burelés manifestou que “desde o Concello de Burela xa se fixeron todos os trámites que había que facer para ter os socorristas traballando o día 1 de xullo, a ver se é posible. Nosoutros tíñamos solicitado no seu momento a través dos plans de cooperación dez socorristas, e resulta que agora sabemos que non son dez os que nos dan senón que van ser sete, e temos pedido a través do INEM oito socorristas, de tal maneira que entón sete serán contratados a través dos plans de cooperación e máis un que será contratado polo propio Concello, porque consideramos que como mínimo oito son necesarios para atender as tres praias que van ter socorristas. Van estar na praia da Marosa, na praia de Ril e no Portelo-O Cabaliño”.
Alfredo Llano critica que “aínda hoxe tivemos que enterarnos a través da prensa de cantos socorristas nos correspondían. Vemos que nos baixan o número sen que exista unha xustificación que realmente resulte entendible. Nosoutros seguimos tendo as mesmas necesidades que tíñamos o ano pasado. Eu penso que este ano volven ser as mesmas aínda con máis implicación porque temos, ademais da bandeira azul, a 14001 e queremos dar un bo servizo”.
O alcalde dixo: “queremos que sexa tanto Burela como a comarca da Mariña un atractivo turístico importante e polo tanto non se entende que en vez de ir a máis os socorristas vaian a menos. Encima que non nos enteremos oficialmente cómo é o reparto, nin sequera se nos mandou, polo menos eu non a teño, unha carta explicando cantos nos corresponden. Ademais houbo unha lentitude extraordinaria este ano derivado de non sei qué. Non sei qué método seguiron porque tardaron moitísimo tempo, xa tíñamos que ter todo feito e todo contratado, pero non nos avisaron para nada ata hai unha semana, cando se nos dicía que fóramos contratando sen dicirnos ningún número nin o tempo. O tempo tamén é moi escaso, hai que darse conta que nos dan soamente para o mes de xullo e agosto cando antes noutras lexislaturas tense feito para xullo, agosto e setembro. Tíñamos tres meses e era máis adecuado porque agora o mes de setembro pode ser tan bo mes de verán como calquera dos anteriores e cada vez hai máis turismo por esta zona”.
Para Alfredo Llano “é unha pena que non se poida ter máis persoal para ocuparse das praias no servizo de salvamento e socorrismo porque evidentemente reduce posibilidades de atención turística aos concellos. Eu penso que iso hai que reflexionalo, hai que poñerse a falar con cada un dos concellos afectados e procurar no futuro dar un servizo acorde ás necesidades e ao que nosoutros pretendemos facer co turismo”.
Escola infantil
O alcalde burelés confirmou que “como a intención do Concello é ter rematado completamente as obras da nova escola infantil a finais do mes de xullo, agora mesmo se están facendo dúas cousas. Unha delas é instalar toda a dotación de material necesario na escola infantil, que xa se está colocando desde onte. Esperamos que esta semana quede completamente listo todo o mobiliario, xogos e todo o que fai falla para a cociña, as oficinas, os despachos e as aulas”.
O rexedor burelés engade que “tamén se vai facer a partir desta semana a parede dianteira da escola infantil e unha vez rematada esa obra máis o acceso para discapacitados, xa estará practicamente todo colocado. Do que se vai ocupar o Concello, que xa o ten feito, é dotalo de terra vexetal para facer unha zona axardinada. Tamén o estamos facendo desde o Concello e xa está practicamente rematado”.
Llano declarou que “agora mesmo a obra leva boa marcha. Esperemos que para o 31 de mes de xullo estea completamente rematada e xa se vexa con todo para ser ocupada a partir de setembro, que é cando comeza o curso. En principio está todo ocupado, máis ou menos todas as prazas cubertas, agás o tramo de 0 a 1 ano no que hai oito prazas para esa escola infantil e de momento hai apuntados catro ou cinco alumnos. Pero xa se abrirá no seu momento outro prazo para acabar de cubrir as prazas que puideran quedar vacantes”.
O alcalde salientou que “é un servizo importante para o Concello de Burela. É verdade que non vai abarcar gran capacidade de alumnado, van ser 41, pero polo menos complementará a outra escola infantil que xa leva tempo funcionando e entre as dúas esperemos facer bo servizo e axudar a moitas familias que poidan precisar da atención das escolas infantís”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
