LUGO, 28 de xuño de 2017.- A dirección provincial do Partido Popular, representada pola presidenta Elena Candia, destaca, unha vez concluídas todas as reunións convocadas para dar conta do traballo do Grupo provincial para a posta en marcha do Plan Único da Deputación, o éxito “significativo” destas xuntanzas. E é que a formación política conseguíu reunir en tan só sete encontros a máis de 500 persoas.
“Quero subliñar que foron reunións moi produtivas, nos que máis que unhas citas convocadas por un Partido, foron sesións de traballo para trasladar á cidadanía as intensas negociacións que tivemos co Goberno provincial. O noso obxectivo non era outro que, se se me permite a expresión, presionar aos socialistas para que ningún dos 67 Concellos quedasen fóra. A realidade é que este Plan é xusto e equitativo. Isto é polo que pelexamos e delo nos sentimos orgullosos”, afima con rotundidade Elena Candia.
Nun tempo récord
A formación política explicou nun témpo récord “este papel decisivo” non só aos alcaldes e representantes da mesma nos distintos municipios, senón que foron reunións nas que tamén se contou coa asistencia e participación dos veciños residentes en cada un deles; “cuestión que aínda resulta máis gratificante, pois de nada servirían estes encontros se non nos escoita quen nos ten que escoitar, que é a cidadanía, pois, en última instancia, é a quen nos debemos e por quen nos mobilizamos”, remarca.
Estas sesións de traballo deron comezo o domingo 18 de xuño, en Baleira, a onde foron convocados, ademais deste Concello, os de Baralla, Cervantes, Becerreá, Folgoso do Courel, A Fonsagrada, Navia de Suarna, Negueira de Muñiz, As Nogais, Pedrafita do Cebreiro e Ribeira de Piquín. O luns 19, en Foz; acudiron Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Riotorto, Trabada, O Valadouro, O Vicedo, Viveiro e Xove. O martes 20, en Outeiro de Rei; déronse cita Castroverde, O Corgo, Friol, Guntín, Lugo, Meira, Outeiro de Rei, Pol, Portomarín e Rábade. O mércores 21, en Sarria; O Incio, Láncara, Paradela, O Páramo, Samos, Sarria e Triacastela. O xoves 22, en Monforte; Bóveda, Monforte de Lemos, Pantón, Pobra do Brollón, Quiroga, Ribas de Sil, O Saviñao e Sober. O luns, 26 de xuño, en Chantada; Antas de Ulla, Carballedo, Chantada, Monterroso, Palas de Rei e Taboada. E, onte, martes 27, en Vilalba; Abadín, Begonte, Castro de Rei, Cospeito, Guitiriz, Muras, A Pastoriza, Vilalba e Xermade.
“Un Partido de rúa”
“Quixemos descentralizar estas xuntanzas, intentando buscar un punto céntrico para todo eles. Tampouco queriamos espacialas moito no tempo, pois cremos que os cidadáns teñen e deben de saber canto vai investir a Deputación en obras, emprego, servizos sociais, cultura, deportes ou en turismo. O balance que facemos, por tanto, é moi positivo pero, sobre todo, satisfactorio dende o punto de vista que estas sesións nos serviron tamén para trasladar á toda a provincia que o Partido Popular está a facer unha oposición construtiva e útil alá onde non ten responsabilidades de goberno”, explica a dirixente provincial.
Asemade, estes encontros tamén foron aproveitados pola dirección do Partido para recoller outras propostas e demandas relacionadas co sentir e preocupación dos lucenses a nivel xeral. En definitiva, foron reunións intensas pero eficaces porque “o que pretendemos e ser un Partido que dea resposta a todas estas peticións. Non queremos ser un Partido de despacho, queremos ser un Partido de rúa”, conclúe a presidenta.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
