A Pontenova (Lugo), 30 de xuño de 2017.- O delegado territorial da Xunta en Lugo, José Manuel Balseiro, amosou a súa sorpresa porque o alcalde da Pontenova xustifique a súa renuncia a sumarse ao convenio que a Xunta de Galicia pon a disposición dos concellos para colaborar na prevención e loita contra os incendios forestais.
Para Balseiro, Dario Campos debería tomar exemplo e aprender doutros rexedores, como o alcalde de Cervo ou da súa compañeira de partido a alcaldesa de Guitiriz, dous concellos que a pesar de contar coa base dun Grupo Supramunicipal de Emerxencias (GES) –como acontece na Pontenova- asinaron o convenio coa Xunta e así puideron contar cunha brigada contra incendios nos meses de alto risco
Ademais o delegado lembra que o convenio non se limita á financia a contratación destes traballadores, senón que permite que a Xunta dote ao concello dunha motobomba e do apoio económico preciso para o seu funcionamento e reciba tamén unha achega para financiar labores de desbroce en terreos de titularidade municipal ou con propietario descoñecido.
A Xunta a administración que máis inviste
Finalmente Balseiro tamén lembrou a Dario Campos que a Xunta é a administración que maior investimento realizada no Concello da Pontenova, con achegas como as dirixidas ao financiamento do Servizo de Axuda no Fogar (SAF) para persoas dependentes, para os que achegan 169.000 euros, o sostemento do Grupo Municipal de Emerxencias (GES) que recibe 123.000 euros ou as dirixidas á mellora de camiños de titularidade municipal como as executadas nas parroquias de Vilaoudriz e Rececende nos que se investiron 42.658,32 e 16.925,90 respectivamente.
Pero tamén a Xunta conveniou con este concello para acometer a cubrición dunha instalación deportiva ao aire libre na que investiron 34.815,03 euros, ou outorgou unha axuda de 16.208,40 euros dedicados á mellora da rede de abastecemento de auga no núcleo rural se Sanxés. A Xunta tamén dotou a este concello dunha motobomba por valor de 142.857 euros.
No ámbito laboral, A Pontenova contou con obradoiro e financia a contratación dun socorrista, do axente de emprego e de cinco peóns, neste último caso, a través do programa Aprol Rural que puxo en marcha a Consellería de Economía, Emprego e Industria, departamento que tamén investiu en accións formativas dirixidas prioritariamente a persoas desempregadas un total de 32.646 euros.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
