30 de xullo de 2017. O Voceiro do Executivo da Deputación, Álvaro Santos Ramos, informou este venres da aprobación na Xunta de Goberno do convenio entre o organismo provincial e a Federación Galega de Piragüismo por valor de 212.500 euros, divididos en tres anualiades, para o desenvolvemento do Programa de promoción provincial do piragüismo, co obxectivo de promover a práctica desta modalidade deportiva na provincia de Lugo, a través dos sete clubs lucenses. Estes son: Club Deportivo San Ciprian; Club Piragüismo Cidade de Lugo; Club Fluvial de Lugo; Club Kayak de Foz; Club Piragüismo Viveiro; Club Piragüismo Altruan de Ribadeo e do Club Montaña Quixós de Monforte de Lemos.
Este convenio supón un instrumento de colaboración para o impulso deste deporte na provincia de Lugo. Deste xeito, busca achegar o piragüismo á poboación escolar e adulta da provincia de Lugo, mediante o desenvolvemento de actividades específicas e coa posta en común de medios e persoal cualificado.
O Goberno da Deputación achegará 212.500 euros para o financiamento deste Programa de promoción provincial do piragüismo distribuídos en tres anunalidades. En 2017 destinaranse 42.500 euros; en 2018 serán 85.000 euros, e en 2019 outros 85.500 euros. Este orzamento permitirá levar a cabo diferentes accións, entre as que se atopan as seguintes:
1. Actividade de promoción nos centros educativos a través da campaña escolar “Deporte Educación” coa finalidade de aumentar a base de usuarios da actividade, vinculándoa cos clubs existentes na provincia de Lugo e a creación de novos clubs, de ser o caso.
2. Desenvolvemento do programa federado, consistente no asesoramento técnico nos procesos de adestramento aos clubs da provincia de Lugo, realización do control e seguimento destes procesos e dos resultados competitivos e académicos aos padexeiros da provincia a través de visitas aos clubs e concentracións.
3. Desenvolvemento de xornadas técnicas, cursos de formación e toda a acción docente precisa para formar aos técnicos existentes nos clubs.
Cesión da Escola Provincial de Piragüismo
Ademais, a Deputación pon a disposición deste proxecto a Escola de Piragüismo Provincial, para que cumpra a función de plataforma de divulgación e promoción da práctica do piragüismo na provincia e contribúa na captación de futuros padeeiros e na consolidación dos clubs da provincia. Así, serán os propios clubs os que xestionen directamente a escola, situada no entorno de Os Robles.
Tamén permitirá a contratación dun técnico para o correcto desenvolvemento deste programa que rotará entre os 7 clubs da provincia, presentando un informe bimestral da súa actividade, como medida de control. En definitiva, trátase de xuntar esforzos co obxectivo de divulgar o deporte de piragüismo na provincia e sobre todo naquelas comarcas onde existen clubs realizando a actividade, aínda que se levará o programa a todos os Concellos da provincia con condicións para esta modalidade deportiva.
Este convenio responde ás peticións dos 7 clubs de piragüismo da provincia, que consideran que as medidas adoptadas son as axeitadas para a posta en valor desta disciplina deportiva en Lugo e resultan un paso intermedio para que a Escola garanta a selección de novas promesas nesta disciplina, e deste xeito, acadar os niveis de anos anteriores.
CB Breogán
O Executivo da Deputación garante un ano máis ao CB Breogán a súa participación na Liga LEB Ouro. A Xunta de Goberno vén de aprobar que o organismo provincial sexa o contra avalista do equipo celeste para que ABANCA lle facilite os 150.000 euros que precisa para participar nesta competición.
O Goberno da Deputación fai posible deste xeito, a inscrición do equipo celeste na Liga Española de Baloncesto Outro, tendo en conta que o prazo para dispor da devandita cantidade, esixida pola FEB, remata a mediados do mes de xullo.
No caso de que o Club non poida responder ás súas obrigas con dita entidade bancaria e esta á súa vez teña que recorrer ao contra aval da Deputación, o organismo provincial restaría esta cantidade da subvención ordinaria e anual que recibe o Breogán ou ben acordaríanse actividades de patrocinio.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
