A Mariña, 1 de xullo de 2017. A parlamentaria nacionalista, Olalla Rodil, acompañada polos concelleiros do BNG en Burela, Mario Pillado e Dori González, ademáis doutros cargos do BNG, compareceu esta mañá para explicar a iniciativa que a formación frontista vén de rexistrar no Parlamento demandando a posta en marcha do servizo de fisioterapia no Centro de Saúde burelao.
A formación nacionalista afirma que “as veciñas e veciños de Burela e Cervo non poden acceder a sesións de fisioterapia, posto que non poden acudir a outros centros de saúde nos que si existe eses servizo, xa que non están asignados a eses centros.” Ademais, desde o BNG insisten en que “o problema non é menor, xa que en moitos tratamentos que receita o persoal médico de atención primaria ou o servizo de traumatoloxía do Hospital se prescribe a fisioterapia”, explicou o Portavoz municipal en Burela, Mario Pillado. “Pero é que ademais, o servizo de rehabilitación no Hospital está a funcionar moi mal pola longuísima lista de agarda que hai en moitos casos, polo que moitos doentes son derivados polos médicos de atención primaria aos especialistas de fisioterapia nos centros de saúde. Por iso en Burela e Cervo aínda é máis preocupante, porque a deficiente prestación da rehabilitación hospitalaria tampouco se suple ou se ve compensada cun especialista en fisioterapia no Centro de Saúde”, afirman.
O servizo existente en centros de saúde e Hospital tampouco funciona correctamente.
Olalla Rodil asegurou, ademais, que o servizo de fisioterapia que se presta tanto nos centros de saúde nos que está implantado como no Hospital da Costa, “dista moito de ser adecuado ás necesidades das persoas usuarias na Mariña.”
Como exemplo, aseguran que o servizo de fisioterapia respiratoria en atención temperá non se está prestando no Hospital de Burela, de xeito que as nenas e nenos que o precisan son derivados ao HULA, onde existe unha importante sobrecarga de traballo; impedindo ademais que a fisioterapia psicomotora e a respiratoria que adoitan prescribirse conxuntamente, sexan prestadas ao mesmo tempo. Desde a formación frontista aseguran que “só é precisa vontade e decisión por parte da Xerencia do Hospital para formar ao persoal que agora mesmo presta o servizo de fisioterapia psicomotora e poder recibir no Hospital da Costa unha atención fisioterapeútica integral”.
No mesmo sentido se manifestan a respecto da terapia ocupacional no servizo de Fisioterapia do Hospital, que funciona na maioría dos hospitais e que no servizo de rehabilitación do Hospital da Costa non existe.
A responsábel comarcal, Ana Ermida, tamén manifestou que “os servizos existentes nos centros de saúde de Viveiro, Foz e Ribadeo están infrautilizados, mentres se derivan pacientes a centros privados.” Así, en Ribadeo e Viveiro, con capacidade para ter quendas en mañá e tarde, só existen turnos de mañá e no centro de Foz, a onde acoden doentes de Foz e Mondoñedo pola maña e pola tarde, respectivamente, tamén se podería habilitar outra praza para ambas localidades.
Desde o BNG acusan ao Partido Popular de seguir vendendo fume con respecto á sanidade, “ocúpanse de cambiar o nome do Hospital, pero seguen deixando servizos sen atender e mantendo outros con menos medios dos que serían necesarios; todo isto en beneficio de clínicas privadas que reciben un duplo beneficio en detrimento da sanidade pública”.
Ana Ermida pídelle ao deputado popular Daniel Vega que “cando sexan tratadas estas iniciativas en sede parlamentaria pense na comarca pola que saiu elixido en lugar de pensar nas siglas e amose a valentía de apoiar o que é xusto e necesario para a sanidade na comarca” e “que se deixe de facer de altofalante inútil da propaganda dun PP que, de momento, nada fixo por mellorar a asistencia sanitaria en xeral ou en reducir as listas de espera, sen ir máis lonxe”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
