Para A Ribeira, a demanda de atraques deportivos en Foz segue aumentando, pero as solucións non chegan…

Foz 7-7-17. Verán do 2017 e outro mais en Foz no que que os usuarios dos portos estamos condenados e temos que resignarnos.

Unha vez mais temos que dicir que o tantas veces prometido dragado e o aumento de prazas deportivas segue sen facerse.
Na nosa asociación estes anos atrás, todos os veráns moitos visitantes e turistas nos chamaban para preguntar se podían recalar coa sua embarcación no noso pobo uns días ou incluso comprar unha lanchiña para ter en Foz, e nós sempre lles contestamos “Este ano non, pero para o que ven si, porque nos prometeron que tal e tal…”, pois ben: este ano tomamos a decisión de que xa non vamos pasar mais esa vergoña.

A pesares da falta de calado e de atraques, nos seguimos a fomentar a náutica no noso pobo, e seguimos e a aumentar o numero de socios, cousa que nos anima. Moitos destes socios teñen tamén embarcación, e están dende fai mais de 10 anos nunha lista de espera de portos de Galicia para poder atracar en Foz, lista que cada ano segue aumentado en demandantes, pero non se move e unha lista sin fin.

Nós non vamos a abandonar o barco e seguiremos insistindo, a pesares de ver como as promesas unha vez mais as leva o vento, promesas como a última que era a de dragar o Muelle antes de este verán, e que finalmente non se fixo por X motivos ou desculpas, pero o certo é que querer e poder.

¡Temos envexa sana! O ver as novas de que noutras localidades fan melloras e aumentan en centos os atraques deportivos, e alegrámonos con eles disto. Pero; ¿que hai do noso?, ¿que fixo mal Foz?
¿Seguiremos explicando os turistas no 2018 as nosas miserias?

A pesares de todo isto, inda mantemos a esperanza de desde que rematen estes meses estivais comecen as obras do prometido “Muelle”, e nos alenta e cremos na palabra da Conselleira do Mar, que meses atrás en unha reunión con nos en Santiago comprometeuse a estudar de forma seria as nosas ideas para aumentar e optimizar o número de atraques no outro porto de Foz, en “Porto Chico”.
Tamén queremos crer o noso alcalde que se comprometeu de forma mui clara na causa, e sabemos que este tema xa o ten como algo persoal, nisto estamos todos xuntos remando nun chalano, que de momento avanza sen calado o ralentí…

Por isto, e a pesares de que moitos focenses se podan sentir decepcionados ou incluso enganados, poden estar seguros de que non cesaremos no noso empeño, e de que o noso pobo de tradición mariñeira e turística, teña polo menos as mesmas oportunidades ou recursos ca os outros, e algún día poder deixar de pasar vergoña por estar sen calado e sen atraques.