Ribadeo, 16 de xullo de 2017. Na carpa de Acisa instalada no parque de San Francisco tivo lugar na tarde-noite de onte o sorteo de 1.000 euros en premios dentro da campaña de fidelización que se desenvolveu do 15 de maio ao 15 de xullo. Foron arredor de 20.000 as papeletas repartidas polos establecementos asociados durante este tempo entre as persoas que mercaron ou consumiron nos seus locais. Todos dispuxeron dunha horas na xornada de onte, sábado, para depositar as súas papeletas perfectamente cubertas cos seus datos na furna instalada na carpa e para asistir despois ás 21:30 horas ao sorteo, que presentou o xerente de Acisa, Jesús Pérez.
Nun cuarto de hora desenvolveuse o sorteo, que foi seguido por centos de persoas, e foron entregados os premios aos afortunados e afortunadas. Un dos premios de 150 euros en vales de compra foi para María A. Fernández Álvarez, cunha papeleta que lle foi entregada no bar Portillo, de Rinlo; o outro premio de 150 euros en vales de compra foi para Manuel Vidal Cima, grazas a unha papeleta do restaurante A Dorada do Cantábrico; o premio de 200 euros en vales de compra correspondeulle a Marta Mª Saiz García, cunha papeleta de boutique Valentina; e o premio de 500 euros en vales de compra levouno Domingo Martínez Díaz, cunha papeleta de Glass.
Os premios foron entregados polo presidente de Acisa, David Martínez, e por Ramón Loredo e Manuel Vázquez, directivos da asociación. Dous nen@s ribadenses, coas súas mans inocentes, foron os encargados de extraer as papeletas premiadas.
Acisa agradece “á hostalaría e ao comercio local a súa implicación con esta campaña, que foi un éxito, debido ao grande número de papeletas que se repartiron e ás que entraron no sorteo celebrado onte. E tamén grazas a toda a fiel clientela dos nosos asociados e asociadas. Animámolos a que sigan mercando en Ribadeo, a que sigan Domingueando en Ribadeo, a que tomen os aperitivos aquí e a que saboreen tamén a exquisita gastronomía desta zona. E tamén é moi importante que estean atentos as campañas que Acisa pon en marcha ao longo de todo o ano”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
