Lugo, 21 de xullo de 2017.- A Delegación Territorial da Xunta de Galicia en Lugo acolleu a presentación do tradicional Mercado das Carmiñas que se celebrará o vindeiro día 25 de xullo nun encrave excepcional: a praza da Catedral-Basílica de Mondoñedo.
O delegado territorial da Xunta, José Manuel Balseiro, estivo acompañado da alcaldesa da localidade, Elena Candia, do concelleiro de Industria e Promoción Económica, Manuel Tapia e dos integrantes da organización Angel Marful, presidente da Aciam (a asociación de comerciantes local) e de Eva Anello propietaria do restaurante A Horta da Paula
Festa da Ensalada e Show Cooking
O mercado das Carmiñas presenta este ano un amplo programa de actividades no que destaca a Festa da Ensalada, un concurso no que participan os locais de hostalería da localidade que compiten cunha degustación de pratos exquisitos.
Tamén desenvolverase un show cooking no que participarán tres prestixiosos cociñeiros: Manuel Núñez concursante de Top Chef, Héctor López do grupo Nove e Miguel Cobo, do restaurante Cobo Vintage e estrela Michelín.
O programa inclúe, como actividades complementarias, xogos para os máis novos, pasarúas e unha exposición de coches e motos clásicos que se achegarán ata praza do Seminario a iniciativa da asociación mindoniense Mira e Anda.
Potenciación dos produtos da horta
Balseiro salientou a importancia dun evento que aposta polos produtos da horta e pola súa potenciación e significou que se trata dunha feira moi singular onde a calidade e a frescura esta sempre vixente e como tal é apreciada polos consumidores máis esixentes.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
