Lugo, 31 de xullo de 2017. O Presidente da Deputación, Darío Campos Conde, xunto ao Alcalde de Abadín, José María López Rancaño, informou este luns sobre o investimento de 940.000 euros, que o Executivo Provincial achegou a este municipio para o impulso de dotacións públicas e infraestruturas, así como a xeración de emprego e a mellora dos servizos sociais dos 2.500 veciños deste municipio. Foron 627.000 euros do orzamento de 2016 e 311.000 os destinados, polo de agora, do presuposto deste ano.
Para melloras en infraestruturas, o Executivo Provincial levou nun ano a Abadín 635.899 euros. Campos Conde e López Rancaño supervisaron os traballos, xa rematados, para acondicionar os accesos de Torre, Samordás e Asperón, beneficiando aos 50 veciños destas zonas. O Presidente avanzou que as seguintes actuacións serán en 17 núcleos rurais: Pumariño, Bouza de Medas, Toxeiro, Outeiro, Cabo De Vila, Casavella, Castiñeira, Butarreira, Cornello, Fonte do Mouro, a Graña, Gaúte, Vilar de Gaúte, Capuchisos, A Espiñarcao, Xunqueira, Espiñarcao.
Nas vindeiras semanas comezarán as obras de arranxo da estrada LU-P-0102 de Moncelos a Carrizal con 370.000 euros (incluídos no orzamento de infraestruturas). Trátase dun treito de 900 metros, que vai dende o punto quilométrico 2.800 ao 3.700, co que o Goberno da Deputación finaliza o acondicionamento da totalidade desta vía.
Os traballos consistirán na limpeza e acondicionamento das cunetas, mellora do firme con aglomerado en quente, sinalización horizontal e vertical e pintado integral, entre outras labores.
Campos Conde subliñou que “con estas melloras, a LU-P-0102 quedará completamente renovada, co fin de garantir a seguridade das ducias de vehículos que transitan por esta estrada provincia, ao tempo que melloramos as comunicacións entre os Concellos da Pastoriza e Abadín, beneficiando directamente aos máis de 5.500 veciños”.
Novas dotacións públicas
Son outros 70.000 euros os que o Goberno da Deputación achega á mellora da rede de alumeado público e ao acondicionamento da Casa Consistorial e centros sociais da vila. En concreto, financiou con 26.000 euros a instalación de 13 puntos de luz LED, dende a autovía A-8 ao casco urbano de Abadín, beneficiando directamente aos máis de 100 veciños que viven nesta zona. Con outros 6.000 euros, o Executivo Provincial acondicionou as instalacións do Centro Social da parroquia da Graña. Campos Conde avanzou que as seguintes actuacións se levarán á Casa Consistorial, cun investimento de 32.000 euros.
13 novos empregos
O Rexedor Provincial avanzou que “nun ano investimos no Concello de Abadín máis de 170.000 euros, cos que xeramos un total de 13 postos de traballo, 4 no 2016 e 9 este ano”. Estes novos empregos creáronse a través do DepuEmprego e o Ben Empregado, cos que o Goberno da Deputación asume os custos laborais de novos profesionais, que traballan en empresas da zona e no propio Concello, reforzando os servizos públicos municipais. Por exemplo, a través do DepuEmprego contratáronse a tres peóns de servizos múltiples.
Atención profesional nun ano a 58 maiores
O Goberno da Deputación destinou nun ano 54.000 euros á xeración de 99 prazas de Servizo a domicilio para non dependentes e Teleasistencia gratuíta porque a Xunta non ofrece estas prestacións. Actualmente, este investimento permite a contratación de asistentes sociais, que prestan máis de 4.500 horas de atención a 58 maiores de Abadín á espera de novas altas este ano.
Dinamización económica e social
O Goberno da Deputación achegou máis de 5.000 euros ao Concello de Abadín para a realización de actividades lúdico-culturais e deportivas durante todo o ano, como por exemplo para fomentar a lectura na biblioteca municipal, ou para actividades nas escolas deportivas municipais.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
