A Mariña, 1 de agosto de 2017. Este mércores 2 haberá pleno da Mancomunidade de Municipios de A Mariña en Mondoñedo a partir das 20:00 horas. Na orde do día figuran os plans de turismo para os vindeiros meses e tamén a renovación dos contratos coas empresas de recollida de aceite usado e de roupa. Nesta sesión tamén se falará da avespa velutina.
O presidente da Mancomunidade de Municipios da Mariña, Alfredo Llano, explicou que “correspondía facer un pleno ordinario onte, luns, pero por diversas circunstancias tivo que trasladarse a mañá, 2 de agosto. Hai que ter un número determinado de membros para poder facer o pleno e non acadábamos o número mínimo, que é un terzo dos integrantes e polo tanto non puidemos facelo. Unha das circunstancias é que había pleno en varios Concellos e por outro lado hai moitísima actividade estes días e polo tanto tamén había dificultades dalgúns alcaldes e concelleiros para poder asistir a esta sesión da Mancomunidade”.
Llano contou que “entre outras cousas o que se vai facer no pleno é o nomeamento dos vocais que aínda non tomaron posesión. Tamén se vai falar do estado do expediente do convenio de turismo para o ano 2017, do que resta para este último semestre. Hai que aprobar a organización do mes da maxia, a promoción das rutas de artesanía, a campaña publicitaria de turismo slow, a formación en redes sociais, a formación e mellora en restauración que comezamos o ano pasado conxuntamente co IES de Foz e a asociación de empresarios de A Mariña. Tamén nos interesa facer a coordinación de traballos de axencias turísticas e a actualización dos recursos webs”.
O presidente da Mancomunidade indicou que “ademais falaremos do estado da contratación da recollida selectiva de aceites de cociña usados. É algo que está dando moi bo resultado nos concellos porque por un lado facilita que a xente saiba onde ten que tirar eses aceites e por outro lado hai moita menos contaminación derivada de que se depositen de calquera maneira eses aceites, por exemplo nos sumidoiros. Xa venceu o prazo do convenio coa empresa que tíñamos e imos volver sacalo a concurso o antes posible porque os Concellos así o demandan”.
Alfredo Llano engadiu que “tamén está dando moi bo resultado a recollida de roupa usada, o que se fai con ela é sacala do circuíto de recollida normal do lixo, xa que trae uns custes grandísimos, co que ten resultados positivos para os Concellos porque non ten que pagar a Sogama por exceso de residuos e por outro lado recíclase algo que contamina moito como é a roupa usada se non se trata ben. Imos renovarlle durante un ano máis á empresa que está agora mesmo licitada para facer esta labor”.
O presidente da entidade adiantou que “tamén imos falar da avespa velutina porque hai certos Concellos que xa manifestaron as súas queixas, dado que a Xunta non dá unha resposta axeitada ao que é este problema xa que se enfoca excesivamente a responsabilidade nos Concellos”.
Críticas ao ministro de Fomento
O presidente da Mancomunidade de Municipios da Mariña, despois da visita onte a Galicia do ministro de Fomento, dixo que “sería bo que xa que onte estivo o ministro de Fomento anunciando diferentes tramos de autopistas noutros lugares como pode ser de Lugo a Santiago, sen embargo foi unha pena que non dixera absolutamente nada da autopista de Barreiros a San Ciprián, ou do arranxo integral e urxente que se necesita na N-642”.
Alfredo Llano declarou que “nosoutros imos seguir reclamando a mellora destas infraestruturas e a realización da autopista porque cremos que en xustiza A Mariña debe contar con estas infraestruturas o antes posible”.
En Mondoñedo terá lugar este martes 2 de agosto, o pleno da Mancomunidade de municipios da Mariña no que se abordarán asuntos relativos ao turismo e á recollida de aceite usado e de roupa
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
