LUGO .- A xunta de goberno da Deputación aprobou a adxudicación provisional do contrato de adquisición de 4 vehículos urbanos lixeiros para o Consorcio Provincial de Bombeiros por importe de 978.124 euros. A Deputación contratou este mes equipamento xeral e outros 3 vehículos por valor de 1,7 millóns de euros. En total no último mes investíronse 2,7 millóns en equipamento para os parques. “É importante que os veciños e veciñas da provincia teñan claro quen fixo os deberes e quen non”, apuntou o voceiro provincial socialista Antonio Gato Soengas.
Nota de Prensa
A Deputación desbloquea as obras de acceso ó parque de Paradai para rematalas en 2010
– O organismo provincial resolveu de mutuo acordo coa empresa o contrato e aproba o novo expedente de contratación por valor de 1,6 millóns de euros
– Neste mes a Deputación investiu preto de 3 millóns de euros na adquisición de material para os parques de bombeiros
– Gato Soengas anuncia que, “tendo en conta que o goberno de Feijóo ten abandonado a provincia de Lugo”, o Presidente da institución provincial se puxo en contacto co Conselleiro de Presidencia para celebrar a reunión do Consorcio a mediados de xaneiro
A Xunta de Goberno da Deputación acordou este venres resolver de mutuo acordo coa empresa o contrato da obra de construción de accesos ó parque de Paradai, procendendo á aprobación do novo expedente de contratación para o seu remate en 2010. O importe dos traballos é de 1.629.948 euros. O voceiro provincial socialista, Antonio Gato Soengas, explicou que “é unha actuación importante para a que colaboramos co Concello de Lugo. A empresa adxudicataria atravesaba problemas polo que lle era imposible rematar os traballos, o que fixo que estes levasen parados uns cantos meses”.
Neste senso, indicou que “para resolver a situación mativéronse varias reunións e, finalmente, acordouse rescindir de mutuo acordo o contrato asinado entre a Deputación e a empresa. Agora adxudicámola de novo co obxectivo de rematala o vindeiro ano”.
A construción da rúa Pedáneo Xoán Diego é a terceira obra do Plan Paradai que acomete a Deputación. As dúas anteriores foron a construción da Ponte Romai, con enlaces na Segunda Ronda e a Rotonda da Rocha, e a prolongación da Avenida Duquesa de Lugo. Pola marxe dereita, ó longo de 500 metros colinda co parque fluvial de Paradai e, polo esquerdo, coa Duquesa de Lugo. Ten unha lonxitude de 750 metros e 16 de ancho. O proxecto contempla a construción de dous carrís de circulación, beirarrúas, e aparacadoiros.
Vehículos para os parques de bombeiros
Aprobouse a adxudicación provisional do contrato de adquisición de 4 vehículos urbanos lixeiros para o Consorcio Provincial de Bombeiros. O importe é de 978.124 euros. Gato Soengas lembrou que a Deputación xa contratou este mes equipamento xeral e outros 3 vehículos por valor de 1,7 millóns de euros. En total no último mes investíronse 2,7 millóns en equipamento para os parques.
“Este foi un dos temas que o Presidente da Xunta ten pendente coa provincia de Lugo. Gómez Besteiro xa solicitou dende o día 20 de novembro varias veces por escrito unha cita con Feijóo, da que non recibimos contestación. Hai que recoñecer que tivemos paciencia, pero o certo é que o titular autonómico faltou á palabra dada, e que o goberno de Feijoo ten abandonado a provincia de Lugo”.
Ante a falta de vontade do Presidente da Xunta, Gómez Besteiro púxose hoxe mesmo en contacto co Conselleiro de Presidencia, Alfonso Rueda para avanzar no proceso, “porque é un tema que hai que falar e que hai que resolver”. Nesta xuntanza, que se celebrará a mediados de xaneiro darase conta das actuacións feitas ata o de agora por parte de ámbalas dúas administracións e da posta en funcionamento dos parques. “É importante que os veciños e veciñas da provincia teñan claro quen fixo os deberes e quen non”, apuntou o voceiro provincial socialista.
Canon de Monforte de Lemos
Asimesmo, deuse o visto e prace ó acondicionamento da rúa Otero Pedrayo, no Concello de Monforte de Lemos, dentro do canon 2008-2009. Esta actuación ten un investimento de 45.733 euros. A Deputación xa contratou outras actuacións como a iluminación do río Cabe o a mellora de varios accesos. Para as dúas primeiras anualidades a este Concello correspóndelle 155.398 euros e, nestes momentos, xa están consignadas actuacións por valor de 102.045 euros, “o que demostra que estamos cumprindo coa palabra dada de deixar rematado o canon antes de que remate o 2009”.
Outros acordos da Xunta de Goberno
O organismo provincial aprobou a contratación do acondicionamento e mellora da estrada provincial Altar-Reinante-Os Castros, no Concello de Ribadeo. As obras de mellora van dende o punto quilométrico 9,920 ó 12,320 e teñen un importe de 500.000 euros.
A Xunta de Goberno tamén aprobou o convenio entre a Deputación e os 47 Concellos que delegaron o sistema de contratación do subministro eléctrico na Deputación.
Asimesmo, déuselle o visto e prace á unha conta xustificativa do Plan de Comunidades Veciñais de 2008 no Concello de Alfoz. O importe total é de 30.000 euros, dos que a Deputación achega 12.000. Tamén se ratificou a modificación do contrato de subministración de áridos para o parque móbil da Deputación, que contempla un aumento de 13.044 euros para seguir colaborando cos Concellos da provincia. “O parque móbil está a desenvolver un labor importante nos municipios, xa que pon a disposición destes as súas máquinas para o arranxo de vías municipais, aforrándolles este custe ós Concellos”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
