Ribadeo, 18 de agosto de 2017. Intensa axenda cultural a que se desenvolverá desde hoxe, venres, e ata o 22 de agosto en Ribadeo. O concelleiro de Cultura, Farruco Graña, anima a asistir a estas propostas nas que haberá moita música, gastronomía e teatro para os máis pequenos e pequenas.
O edil nacionalista contou que “esta fin de semana volve no noso calendario cultural chea de actos. Hoxe venres, 18 de agosto, imos poder gozar da música de Mónica de Nut co seu concerto Raíces aéreas (con arpa e voz). Será no Cantón dos Moreno ás 20:30 horas. E coma sempre, se o tempo non acompaña, verémonos no Teatro”.
Farruco Graña relatou que “o sábado vai ser un día especial por partida dobre, tanto culinaria como musical. Pola mañá será a XII Festa da Carne ao Caldeiro, que se celebrará a partir das 13 horas no Campo da Festa de Remourelle. Tamén en clave culinaria vanse desenvolver os actos de celebración do XXV aniversario da Banda Municipal de Música de Ribadeo. Así este sábado haberá a tradicional churrascada que a Asociación Amadores da Música organiza no Auditorio de Cabanela. Os actos conmemorativos comezarán cara ao mediodía coa inauguración da exposición sobre os 25 anos de vida da BMMR, que se vai poder visitar na Casa do Mar de 11:30 a 13:30 e de 17 a 20 horas. Pola tardiña, ás 21 horas comezará o Concerto do XXV Aniversario da Banda e posteriormente poderemos saborear unha gorentosa churrascada”.
O concelleiro de Cultura engadiu que “xa no domingo, van continuar os actos festivos en Remourelle na honra de Santa María Magdalena, con sesión vermú incluída. E pola noite, I Colori dell´Armonía deleitaranos cun concerto de música barroca que vai haber na igrexa parroquial de Santa María do Campo. Será ás 20:30 horas”. E dixo: “ai, pícaros e pícaras! Non vos esquezades de que o martes 22 Migallas Teatro vai pasar polo parque de San Francisco, ás 20:30 horas, coa súa representación Contos nas orellas, pero esa será outra historia que comezará a semana que vén”.
ÚLTIMA HORA
- O GALP A Mariña-Ortegal impulsa “PescaTurismo Burela”, unha proposta para coñecer o oficio desde dentro
- Celeiro acollerá este venres, 4 de setembro, ás 22:30 horas, o concerto gratuíto de Mártires del Rock & Roll, dentro da programación da Conservera
- Comeza o prazo para anotarse nos cursos de natación e aquagym en Cervo
- Ribadeo instala novas cámaras para o control do tráfico e da seguridade cidadá
- Celeiro acollerá este venres, 4 de setembro, ás 22:30 horas, o concerto gratuíto de Mártires del Rock & Roll, dentro da programación da Conservera
A banda presentará o seu espectáculo nunha cita aberta ao público, que promete unha noite de rock e diversión para todos os asistentes. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba. - A IV Festa dos Ovos Rotos con Chourizo e a Feira de Artesanía de Ribeiras de Lea celebraranse o 12 de setembro en Castro de Rei, con apoio da Xunta
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos. - Inauguración da exposición 'Óleos – Obra recente 2020‑2026, con pinturas de Fernando Laxe Bouzamayor', no Complexo Cultural Regalxunqueira de Viveiro
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro. - Belén Alonso Fernández recibiu o I Premio de Narrativa Manuel García-Galano polo relato Antias das cinzas, nun acto celebrado na Casa da Cultura de Tapia dentro da Feira Campomar 2026
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura. - O delegado territorial da Xunta, Alfonso Villares, visitou este martes aos integrantes do Club Natación PortaMiñá Lugo, que están a celebrar unha semana de convivencia en Cervo como paso previo ao inicio da tempada 2026/2027
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego. - O Curso de Verán de Pádel de Xove chegou ao seu fin tras desenvolverse durante os meses de xullo e agosto na pista municipal
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
2021 Crónica 3 A Mariña - Implementado por GaliciaDigital