Burela, 22 de agosto de 2017. O Concello vai realizar obras para mellorar a accesibilidade da escaleira que comunica a rúa do Berbés coa do Hórreo. A actuación prevé colocar un pasamáns de aceiro e os traballos poderían comezar en setembro, segundo anunciou este mediodía o alcalde.
Alfredo Llano explicou que “hai unha zona en Burela onde está o que se denomina a rúa do Hórreo, que está situada practicamente no porto de Burela. Consta dunha casa moi antiga, que está patrimoniada, e que conta tamén cun hórreo. É unha zona bonita que chama a atención, é moi vistosa dende o porto”.
O rexedor burelés dixo: “queremos mellorar esa zona poñendo unhas novas escaleiras de acceso que vai unir a zona do Berbés, que é a estrada que cruza ata onde está a lonxa, e a rúa do Hórreo. Imos dotar ben esas escaleiras cun pasamáns de aceiro para que quede vistosa por un lado, pero por outro lado será moi útil para poder pasar moita xente que atalla perfectamente dunha zona a outra con rapidez”.
O alcalde engadiu que “é unha das obras que imos acometer enseguida. Xa está a fase do proxecto coa memoria técnica. Cando estea rematada dita memoria imos poñernos a elo, así que calculo que para o mes de setembro imos ter ese novo acceso que por un lado favorece a esa zona e por outro lado tamén a moita xente que antes tiña que dar un rodeo para acceder ben á fonte ou ben á rúa do Hórreo”.
O Concello de Burela realizará obras de mellora na escaleira que une as rúas do berbés e do hórreo
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
