Lugo, 6 de setembro de 2017.- Os membros do Grupo Provincial do PP que forman parte do consello de administración de Suplusa apoiaron hoxe o cambio de presidente da entidade co obxectivo de que as residencias de maiores entren en funcionamento canto antes. “Darío Campos recoñece a necesidade dun cambio de rumbo na entidade, polo que o PP hoxe actuou en coherencia para que os centros poidan ser unha realidade”, precisan.
Desde o PP explican que esta situación que se viviu en Suplusa “evidencia as polémicas internas que vive o PSOE, nas que se ven obrigados a recoñecer a súa propia incapacidade. Así, o presidente ten que delegar noutro dos membros do seu Grupo político cada vez que o PP denuncia con feitos realidades indiscutibles. “O importante do acordo alcanzado hoxe, remarcan, é que se lle quitan competencias a unha persoa que se recoñece incapaz a si mesmo”.
Así, o PP propuxo na Xunta Xeral da Sociedade Urbanística Provincial de Lugo S.A. (Suplusa) o 30 de maio deste ano que os membros que forman parte da mesma se dirixan ao Consello de Administración e ao máximo responsable da sociedade para iniciar o cambio da Presidencia, tanto da Xunta Xeral como do Consello de Administración da entidade.
Así, Darío Campos perde a presidencia de Suplusa, unha demanda que xa naquel entón apoiaron máis da metade dos seus 25 membros, entre eles o seu vicepresidente na Deputación, quen hoxe saíu elixido presidente.
Os populares apoian este cambio ante a situación de parálise que atravesa a Sociedade. Así, lamentan que ao longo deste meses o presidente socialista non fora capaz de tomar decisións tan relevantes como inscribir no RUEPSS (Rexistro Único de Entidades Prestadoras de Servizos Sociais) a Suplusa, o paso previo para poder abrir as residencias de maiores da provincia nas que teñen comprometido 23 millóns de euros. “O presidente foi incluso máis alá e defendeu en sede xudicial que a institución provincial non ten competencias sobre estes centros”, recordan desde o PP.
Os populares consideran que Darío Campos estaba completamente deslexitimado para seguir levando as rendas desta Sociedade, polo que é necesario un cambio que permita que desenvolva as funcións que lle son propias.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
