Santiago, 12 de setembro de 2017.- O portavoz de Infraestruturas do Grupo Popular, Martín Fernández Prado, urxiu hoxe no Parlamento aos concellos das comarcas de Ferrolterra, Ortegal e A Mariña lucense polos que discorre a liña ferroviaria Ferrol-Ribadeo a que designen os seus representantes no grupo de traballo que negociará con Renfe o plan de actuación para o mentemento e mellora desta liña ferroviaria.
Martín Fernández lembrou que na xuntanza celebrada o pasado 8 de maio entre representantes da Xunta, Renfe e os concellos abordouse a situación da liña de ferrocarril de vía estreita entre Ferrol e Ribadeo e acordouse a constitución dun grupo de traballo con representantes de todas as entidades presentes.
CONVOCATORIA DE NOVA REUNIÓN
“A día de hoxe só 13 concellos teñen designados os seus representantes neste grupo de traballo, polo que urxe que aqueles concellos que aínda non fixeron esta designación o fagan o antes posible para proceder á convocatoria dunha nova reunión na que analizar as propostas feitas por Renfe para a mellora desta liña ferroviaria”, sinalou o portavoz popular.
Neste sentido, Fernández Prado lembrou que Renfe ten adquirido unha serie de compromisos dentro dun plan de actuación que abrangue a estabilización do persoal de condución, a mellora do parque de vehículos e das estacións, así como o mantemento da infraestrutura. O investimento previsto para estas actuacións nos vindeiros anos sitúase arredor dos catro millóns de euros.
PREOCUPACIÓN DA XUNTA
“Parece lóxico que sexa no marco deste grupo de traballo onde se faga o seguimento destes compromisos adquiridos por Renfe, así como analizar a propoñer as diferentes alternativas de cara a lograr a mellora dos servizos desta liña”, engadiu.
Así mesmo, Martín Fernández subliñou a preocupación da Xunta, “a pesar de non ter competencias directas sobre a liña ferroviaria entre Ferrol e Ribadeo, polos servizos e o estado desta liña, comunicando de xeito reiterado ao Ministerio os problemas de funcionamento, mantendo unha canle de comunicación fluída e constante co Ministerio e con Renfe para tratar de dar resposta inmediata ás posibles incidencias que poidan xurdir; e reiterando a necesidade de contar con servizos ferroviarios competitivos, que respondan ás necesidades de mobilidade dos veciños das comarcas de Ferrol, Ortegal e A Mariña luguesa”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
