Lugo, 13 de setembro de 2017. O Deputado de Cooperación e Asistencia aos Concellos, Argelio Fernández Queipo, presentou este mércores na Deputación, o VII Encontro Provincial de Cooperación e Asistencia aos Concellos, que versará sobre a transparencia e acceso a información no ámbito local. Este xornada celebrarase o día 19 de outubro no Salón de actos do Pazo de San Marcos.
Fernández Queipo avanzou que o programa desta edición está centrado na importancia da transparencia e o acceso á información pública nas entidades locais. “Dende área de Cooperación e Asistencia aos Concellos, presentamos esta edición atendendo ás demandas dos nosos municipios, co fin de dar resposta a moitas dubidas e que existen sobre a información nas entidades locais. Dende o Goberno da Deputación entendemos que a transparencia, o acceso á información pública e as normas de bo goberno deben ser os piares de calquera acción política”, explicou.
O Deputado remarcou que nesta xornada, que celebra a súa VII Edición, participarán dous expertos de recoñecido prestixio, como son os Catedráticos de Dereito Administrativo, Emilio Guichot Reina da Universidade de Sevilla; e Oriol Mir Puigpelat da Universidade Pompeu Fabra, autores de numerosos estudios sobre este asunto.
Ao longo do encontro, debaterase sobre as normativas de transparencia e sobre protección de datos. Outro asunto que centrara o encontro serán os límites do dereito de acceso, especialmente a protección de datos persoais; así como a publicidade activa nas entidades locais, e o dereito de acceso á información pública. Por último analizarase a normativa de transparencia e o acceso dos concelleiros á información municipal.
Inscricións ata o 13 de outubro na web da Deputación
Esta edición está dirixida a representantes institucionais, como secretarios, interventores, tesoureiros ou outros traballadores dos Concellos. Todos os interesados terán en www.deputacionlugo.gal, a partir do dia 2 outubro un espazo habilitado co formulario e a información para anotarse. O prazo remata o 13 de outubro. Todos os participantes recibirán un diploma acreditativo da súa asistencia a este Encontro.
Programa
“Transparencia e acceso á información no ámbito local”
Mañá
9:15h.- Recepción dos asistentes e entrega da documentación.
9:30h.- Apertura do Encontro. Intervención de D. Darío Campos Conde, Presidente da Deputación de Lugo e de D. Argelio Fernández Queipo, Deputado Delegado da Área de Cooperación e Asistencia aos Concellos e Medio Ambiente.
10:00h.- Relatorio: As normativas sobre transparencia e sobre protección de datos. Panorámica e reformas. D. Emilio Guichot Reina. Catedrático de Dereito Administrativo da Universidade de Sevilla.
11:30h.- Pausa.
12:00h.- Relatorio: Os límites do dereito de acceso. En especial, a protección de datos
persoais. D. Emilio Guichot Reina. Catedrático de Dereito Administrativo da Universidade de Sevilla.
13:30h.- Relatorio: A publicidade activa nas entidades locais. D. Emilio Guichot Reina. Catedrático de Dereito Administrativo da Universidade de Sevilla.
Tarde
16:30h.- Relatorio: O dereito de acceso á información pública: suxeitos, procedemento e garantías. D. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
17:30h.- Relatorio: A normativa sobre transparencia e o acceso dos concelleiros á información. D. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
18:30h.- Clausura. Intervención de D. Darío Campos Conde, Presidente da Deputación de Lugo e de D. Argelio Fernández Queipo, Deputado Delegado da Área de Cooperación e Asistencia aos Concellos e Medio Ambiente.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
