Muras (Lugo), 13 de setembro de 2017.- O delegado territorial da Xunta en Lugo, José Manuel Balseiro, desprazouse ata a localidade de Muras para supervisar as obras de reforzo do firme que a Consellería de Infraestruturas e Vivenda executa na estrada da Gañidoira, a LU-540.
Os traballos, promovidos pola Axencia Galega de Infraestruturas, contan cun orzamento de 775.185,34 euros e beneficiará a todos os concellos polos que percorre esta vía que une Xermade, Muras, Ourol e Viveiro, ademais de ser unha estrada de paso habitual para a conexión coa capital da provincia.
A obra consiste na mellora da calzada, con fresado do pavimento actual en todo o ancho do carril e posterior extensión dunha capa de mestura asfáltica en quente. Como actuacións complementarias á rehabilitación estrutural do firme prevese a reposición das marcas viarias e a execución de cunetas de formigón e de drenaxes naqueles tramos nos que sexa preciso a súa recuperación.
A execución destes traballos realízase de tal xeito que permite, coa sinalización de oportuna, manter a circulación do tráfico sen menoscabo da seguridade dos usuarios nun treito no que a intensidade media de circulación relevante, ademais de contar cun importante tráfico pesado.
Balseiro indicou que unha vez rematados os traballos –que se desenvolverá probablemente ao longo de todo o mes en curso- a nova estrada verá aumentada a súa seguridade viaria, así como ofrece mellores garantías para a circulación e de duración do pavimento incluso en condicións climatolóxicas de neve que son habituais nalgúns puntos deste percorrido durante o inverno.
De feito, a Consellería de Infraestruturas e Vivenda acomete estes traballos de reforzo do firme para contribuír a que os pavimentos presenten unha mellor adherencia, menor nivel sonoro e un bo comportamento en canto á súa drenaxe superficial, así como maior resistencia á acción abrasiva do tráfico.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
