Lugo, 13 de setembro de 2017.- O Grupo de Acción Local do Sector Pesqueiro (GALP) A Mariña-Ortegal vén de recibir o visto e prace da Consellería do Mar para conceder axudas por valor de 1,1 millóns de euros dirixidas a impulsar quince proxectos produtivos que contribuirán a dinamizar o litoral lugués.
Así o deu a coñecer esta mañá o delegado territorial da Xunta en Lugo, José Manuel Balseiro, quen tamén explicou que estas axudas están dirixidas a favorecer os denominados como proxectos produtivos, que son aqueles que buscan impulsar unha actividade lucrativa, desenvolvida normalmente por pequenas e medianas empresas ou profesionais relacionados co sector marítimo pesqueiro.
Entre os 15 proxectos aprobados atopámonos desde iniciativas de restauración e turísticas (hoteis, restaurantes, apartamentos, …) a outras no ámbito do lecer ou da formación, así como accións encamiñadas a apoiar a aposta das empresas pesqueiras pola introdución de innovacións tecnolóxicas para a distribución de peixe e marisco, pesca artesanal, almacenamento frigorífico ou comercialización deste tipo de produtos. Tamén un dos proxectos beneficiarios redunda na importancia natural na contorna mariñeira.
En concreto os proxectos son os seguintes:
Ribadeo Kids&Us Language School 56.369,53
Ribadeo Centro de Ocio Con sentidiño 47.901,39
Mondoñedo Hotel Restaurante Javier Montero 200.000,00
Ribadeo Habilitación de casa indiana para hotel mariñeiro 200.000,00
Ribadeo Apartamentos Turísticos García 87.636,70
Ribadeo Ampliación Hotel temático Mi Norte Mariñeiro 93.396,08
Viveiro Innovacións tecnolóxicas e melloras no sistema de distribución na pesca artesanal 20.872,00
Foz Mellora e innovación do sistema de trazabilidade, desenvolvemento de nova liña de produción
92.545,00
Ribadeo Ampliación Hotel Casona de Lazúrtegui 198.782,00
Ribadeo Sistema de almacenaxe con estantería compacta en instalacións frigoríficas 11.594,70
FozAula de formación e conferencias 22.703,72
Burela-Celeiro Mellora do valor dos produtos pesqueiros e da rede de distribución 18.836,55
Viveiro Apartamentos Duerming Sea View Viveiro 21.380,79
Burela Transporte interno e sistema de pesaxe dos produtos pesqueiros 6.112,00
Burela Natureza e entorno mariñeiro ampliación 33.018,93
Diversificación económica
Balseiro puxo en valor que estes fondos buscan apoiar os esforzos que realizan os beneficiarios e contribúen á diversificación económica permitindo mellorar as taxas de crecemento e o emprego nesta zona. A través destes proxectos se contribúe tamén a aumentar a capacidade de elección dos residentes nos municipios costeiros á hora de buscar novas fontes de ingresos, promovendo a igualdade de oportunidades entre mulleres e homes e a conservación do patrimonio natural, cultural e histórico destas zonas.
Os Grupos de Acción Costeira son asociacións de carácter local constituídas polas organizacións do sector pesqueiro, marisqueiro e acuícola, organizacións sociais, medioambientais e culturais do sector empresarial e polas administracións locais, que adoptan a forma xurídica de asociación. Nestes grupos, o protagonismo é do propio sector pesqueiro, que ten na Xunta Directiva dos Grupos a metade dos seus membros.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
