Burela 24-9-17. O Pescados Rubén Burela FS conseguiu, esta tarde, na pista do Universidad de Alicante 3 puntos de impulso clasificatorio e sobre todo moral. O traballo das mariñás tivo ao final unha recompensa que noutras ocasións lles deu as costas, nunha cita na que non estiveron cómodas e concederon moito a un rival asfixiante, véndose obrigadas a ir a remolque ata o último minuto, con dúas dianas de Dany (3-4).
Ao Pescados Rubén Burela FS custoulle entrar ante un rival que apertaba. Nunha acción desafortunada ao comezo chegou o primeiro en contra para as de Julio Delgado, de Lara, tras rexeite de Jozi; aínda non se cumprira o segundo minuto de xogo. Dany tivo o empate no 6 e pouco despois ampliou Paula Morote, nunha contra un fronte á meta brasileira. Superado o ecuador da primeira parte o xogo das mariñás foi máis fluído, aínda que con pouco acerto ofensivo. Cumpríndose o minuto 10, Bea Mateos saltou á pista para abandeirar o xogo de cinco; a falta de tres para o descanso, o Pescados Rubén conseguiu reducir distancias, nun balón que tocou Anita (2-1).
As pupilas de Julio Delgado ofreceron un gran despregue físico e de traballo, aínda que con exceso de peso mental. Andrea ampliou a renda das locais no minuto 28 tras unha perda mariñá. Pouco despois, o 30, puido subir o cuarto UA a porta baleira. Con todo, aproveitou Cilene, no 31, para subir o 3-2 de disparo cruzado. Dany empatou de cinco a falta de pouco máis dun minuto e conseguiu rescatar os tres puntos con brillo laranxa co 3-4,con xogo de pivote, a falta de 40 segundos, sen tempo para a reacción das locais co porteira xogadora.
Compartindo liderado
O Pescados Rubén durmirá líder esta noite xunto ao Móstoles, á espera do desenlace da segunda xornada mañá co enfrontamento entre Alcorcón e Ourense Envialia (13.00 horas).
Ficha técnica
UA Alicante: Jenny, Anita, Carmen, Elenita, Lara Terres, cinco inicial; tamén xogaron Ángela, Paula Morote, Pau, Andrea, Melli
Pescados Rubén Burela FS: Jozi, Dany, Cilene, Lara, Julia, cinco inicial; tamén xogaron Tai, Bea Mateos, Sara Correia, Judith
Goles: 1-0, minuto 2, Lara Terres; 2-0, minuto 7, Paula Morote; 2-1, minuto 17, Anita (p.p.); 3-1, minuto 28, Andrea; 3-2, minuto 31, Cilene; 3-3, minuto 39, Dany; 3-4, minuto 40, Dany
Árbitros: Martínez Palao//Sansano Pérez (Valencia). Por Burela amarela a Dany, Bea Mateos e Judith.
Incidencias: Partido da segunda xornada de Primeira División RFEF disputado en Alacante. Minuto de silencio inicial polas vítimas do terremoto de México.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
