Lugo, 26 de setembro de 2017.- O Grupo Provincial do PP defendeu no Pleno de hoxe que “os investimentos en Sanidade serán sempre unha prioridade na nosa provincia”.
En relación coa Lei de Saúde os populares aproveitaron para explicar “co texto do anteproxecto na man” a modificación que pretende levar a cabo o Goberno galego da Lei 8/2008 que afecta a 15 artigos e que engade 3 máis pasando a ter 140 artigos. Esta modificación céntrase en sete apartados; no que atinxe á organización territorial hai unha modificación na participación social, modificación en persoal, en materia de formación e un novo título para unha comisión interdepartamental en materia de comisión e saúde, enumeraron.
Apuntaron que o que máis preocupou foi a organización territorial. No que a participación social se refire búscase simplificar a regulación dos órganos de participación tendo un a nivel autonómico e outros doutras áreas. “Imos estar máis próximos aos nosos veciños e veciñas”. Haberá tres niveis: ás áreas, distritos e as zonas. “O distrito, que é o que máis nos afecta na Mariña e Monforte defínenos como divisións das áreas, como un marco de referencia de atención primaria, hospitalaria e sociosanitaria no seu ámbito territorial e haberá 14 distritos que toman como referencia o hospital comarcal e mantendo a agrupación de concellos que xa existen”.
Subliñan o feito de que os distritos sanitarios queden garantidos por Lei. Así, a normativa no artigo 69 di que os distritos sanitarios son divisións territoriais das áreas sanitarias e constitúen o marco de referencia de coordinación dos dispositivos de atención primaria, hospitalaria e sociosantiaria.
Desde o PP puxeron en valor dos aspectos da normativa. Dun lado, a transparencia no procedemento e que o texto íntegro, cumprindo a normativa, está no portal da transparencia para invitar ás súas achegas.
Así, puxeron en valor a convocatoria da Xunta na que se puido compartir unha reunión de traballo cos técnicos da Consellería “nun exercicio de proximidade e transparencia” sobre o texto normativo. Desde o PP animan a todo o mundo a facer as súas achegas, incluso á Deputación de Lugo. “Estamos á súa disposición, pero máis alá diso temos os mecanismos suficientes para facer as achegas que melloren o texto e non pedir a súa retirada. Podemos corrixir o que non sexa do noso agrado para mellorala”, engadiron.
O PSOE propuña en 2008 que a área de Burela desaparecera
Os populares preguntáronlle ao voceiro do PSOE se subscribía a proposta de ordenación sanitaria que en 2008 o seu partido pretendía poñer en marcha e non puido porque perderon as eleccións, pero é claro para ver cal era a proposta de organización de recursos sanitarios na provincia. A área de Burela que agora defende desaparecía ata tal punto que pasaba a incluírse na área sanitaria de Ferrol. Definíase como zona sanitaria da costa.
A voceira do PP, Elena Candia, asegurou que “temos moito que aprender dos profesionais sanitarios. Participei como acompañante dun doente e só teño palabras de agradecemento pola súa entrega e profesionalidade de poder ter ese hospital e que todos os políticos que gobernaron axudaron a que teñamos un hospital máis grande, pero sen dúbida a grandeza dana os profesionais sanitarios. Temos moito que aprender, queremos poñernos á súa disposición e enriquecer ese texto, leccións do PSOE ningunha, posto que aí está ese mapa que non creaba nin mantiña a área de Burela, que se incluía na área de Ferrol”.
Investimentos nos hospitais da Costa e Monforte
Desde o PP poñen en valor os investimentos que se veñen producindo no Hospital da Costa e no de Monforte. “O PP ten unha parte de responsabilidade, pero todos os grupos impulsaron o crecemento en calidade e cantidade neses hospitais”. Así, a licitación na Costa de máis de 10 millóns de euros só en obra desde o 2012 ata o 2017 e en Monforte os equipamentos desde o 2013 de preto de 1,5 millóns de euros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
