Burela, 6 de outubro de 2017. O Concello ven de asinar o convenio para a cesión dun local na rúa do Río á Federación Galega de Fútbol. O concelleiro de Deportes, Ramiro Fernández Rey, subliñou a importancia deste acordo para Burela e para os clubs.
O edil burelés anunciou que “procedemos á firma do convenio de cesión do local na rúa do Río á Federación Galega de Fútbol. Na firma estábamos presentes o alcalde, Alfredo Llano, o presidente da Federación Galega de Fútbol, Rafael Louzán, o responsable provincial da Federación, Carlos Méndez, e eu mesmo como concelleiro de Deportes”.
Fernández Rey lembrou que “a cesión do local era unha cousa que aprobamos en pleno, soamente faltaba a firma do convenio”.
O concelleiro de Deportes salientou que “nosoutros entendemos que é unha cousa moi positiva para Burela e sobre todo para os clubs porque van ter unha sede fixa na nosa localidade, e van poder facer moitos trámites que ao mellor antes lles resultaba máis difícil realizar sen desprazarse a ningún lado”.
Ramiro Fernández engadiu que “ademais disto a Federación vai poder facer aí cursos tanto para árbitros como para adestradores, e entendemos que tamén é positivo para que a xente de Burela non teña que desprazarse a ningún lado a facer as xestións destes cursos”.
O edil socialista aludiu “ao compromiso da Federación, que é colaborar co Concello en todas aquelas actividades nas que poida botar unha man ao Concello. Esa colaboración xa a tiveron na pasada Semana do Deporte que organizamos desde a Concellería de Deportes. Esperemos que no futuro sigan colaborando, de momento estamos moi contentos co apoio que estamos recibindo por parte deles tanto na Semana do Deporte como noutros. Fai pouco tivemos un problema cunhas fichas duns rapaces caboverdianos que xogaban a fútbol sala e grazas á mediación da Federación puidemos subsanar ese problema sen ningún tipo de mal maior”.
Ramiro Fernández remarcou que “estamos moi satisfeitos con este acordo e esperemos que sexa frutífero e que dure moitos anos. En todo caso o Concello ten o dereito de rescindir ese acordo en calquera momento por calquera circunstancia que implique que non se cumpran os acordos aos que chegamos, esperamos que sexa unha colaboración que se alongue no tempo e para nosoutros é moi positivo que a Federación Galega de Fútbol estea en Burela”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
