Viveiro, 31 de outubro de 2017. A Escola Infantil Municipal de Viveiro atende, a día de hoxe, 68 usuarios distribuídos en 5 unidades en función da demanda e idade dos pequenos; o equipo educativo da escola está formado por 8 persoas, ademais da directora, que distribúen a súa xornada laboral en función dos horarios de asistencia dos nenos
Conta cunhas instalacións amplas e céntricas, totalmente adaptadas ás necesidades dos pequenos. A Escola Infantil Municipal ubícase nun edificio de planta baixa dotado de 6 aulas, con cociña-comedor, aula de usos múltiples, zona de xogos e patio exterior semicuberto cun horto e unha zona axardinada. Dende o concello realízanse melloras e arranxos de mantemento de forma periódica; neste sentido, cómpre indicar que durante os pasados meses de xullo e agosto o concello encargouse de pintar a fachada, muros e varandillas exteriores, ademais de chorrear a cuberta do patio. Nesta mesma liña, cómpre lembrar tamén as grandes melloras levadas a cabo polo concello en 2013, cando se realizou unha importante mellora nas instalacións e se procedeu á renovación e adquisición de novos materiais.
Con respecto ao equipamento, tamén é necesario destacar que o Concello de Viveiro realizou as xestións oportunas para conseguir a consesión dunha axuda para o investimento na mellora das infraestruturas e do equipamento da escola infantil, cofinanciada polo Fondo Europeo de Desenvolvemento Rexional no Marco do Programa Operativo FEDER Galicia 2014-2020; esta concesión, que foi notificada hai uns días, conta cun gasto total subvencionable de 6.520,16 €.
O horario da Escola Infantil Municipal, establecido atendendo ás demandas das familias no momento de formalizar matrícula, é de 8:00 a 20:00 de setembro a xuño (nos meses de xullo e agosto vense reducindo o horario de 8:00 a 15:00 horas). As xornadas lectivas de cada un dos grupos estructúranse seguindo unhas rutinas ou actividades programadas, en función da idade, pero sempre priorizando os ritmos individuais de cada crianza e cuns horarios orientativos que poden variar en función das necesidades do grupo-clase. Ademais das actividades diarias, a Escola Infantil Municipal de Viveiro vén celebrando ao longo do curso festas tradicionais, obradoiros e festivais, coas que se fomenta a implicación e relación das familias coa escola.
O Concello de Viveiro tramitou en 2013 un contrato administrativo para a xestión do servizo público educativo da Escola Infantil Municipal, resultando adxudicataria a empresa Aurora, Pilar y Ana SL. O prezo do contrato foi de 656.000 € (catro anualidades do contrato, a razón de 164.000,00 € por anualidade), cunha duración de 4 anos; o prezo por cada mensualidade do contrato ascende a 13.666,66 €. Neste contrato establécese, así mesmo, que o concello percibirá directamente dos usuarios polos servizos prestados os prezos públicos establecidos na ordenanza reguladora fiscal núm. 44.
Neste contrato, que remataría o 1 de decembro de 2017, indicábase que podería prorrogarse mediante dúas prórrogas de dous anos cada unha, previo consentimento das partes. Cómpre sinalar neste sentido que , previa solicitude da empresa, na sesión plenaria de data 6 de setembro de 2017 se acordou a concesión dunha primeira prórroga polo prazo de dous anos.
Dende o Concello de Viveiro valórase moi positivamente o servizo prestado pola Escola Infantil Municipal, que ten como obxectivo primordial a conciliacion da vida laboral e persoal das familias, ao tempo que se intenta ofrecer unha ensinanza de calidade en canto á transmisión de valores e habilidades sociais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
