Foz, 31 de outubro de 2017. A programación cultural do Concello de Foz para o vindeiro mes de novembro inclúe cine, música, teatro e unha exposición colectiva no Cenima.
As actividades comezarán coa proxección da película Siembra na Casa da Cultura este xoves, día 2, ás 20:30 horas. O prezo da entrada é de 3 euros. Esta película, estreada no ano 2015, foi dirixida por Ángela Osorio e Santiago Lozano.
Ao día seguinte, o venres 3, ás 20:30 horas na igrexa parroquial focense haberá un concerto do Coro Xuvenil da Escola de Música de Foz. No mesmo lugar é a mesma hora o venres 10 terá lugar un concerto da Orquestra de Corda do Conservatorio de Viveiro. Tamén o venres 10, pero ás 20:00 horas, no centro social da parroquia de San Martiño haberá teatro a cargo da compañía Pico do Castro, que representará a obra A miña muller volveu.
A programación continuará o sábado 11 con teatro infantil. Ás 18:30 horas na Sala Bahía a compañía Baobab ofrecerá a obra Pum-Pum. Os prezos das entradas son de 1,5 euros para os nenos e 2,5 euros para os adultos.
O seguinte sábado, día 18, ás 20:00 horas a Sala Bahía acollerá un concerto da Banda de Música de Foz. E o venres 24 no centro social de San ta Cilla ás 21:30 horas haberá teatro a cargo de A Adala, que representará a obra titulada O que hai que ver ao volver. E o xoves 30 ás 20:30 horas na Casa da Cultura terá lugar a proxección da película Baixo a area, do ano 2015 e dirixida por Martin Zandvliet. O prezo da entrada é de 3 euros.
Ademais do 4 ao 30 de novembro o Cenima acollerá a exposición colectiva titulada Fábrica de identidade, promovida polo colectivo de xestión cultural Secuela e que incluirá obras de once artistas multidisciplinares da arte contemporánea que traballan en Galicia: Julia Álvarez Bautista, Amine Asselman, Nuria Bouzas Loureiro, Rebeca Cabaleiro, Daniel Canabal, Loureiro Costa, David Crespo, Bárbara Lamas, Mar Ramón, Vanesa Soares e Ariadna Yáñez.
ÚLTIMA HORA
- O PP reúne aos seus representantes municipais para analizar o impacto da subida das tarifas das residencias
- Valentín Calvín, alcalde de Ortigueira: “La llegada del HADO es una de las noticias más importantes de los últimos años”
- O PP critica a falta de socorristas e a retirada da bandeira azul na praia urbana de Burela
- Barreiros acolle este xoves unha charla clave sobre fibromialxia e a presentación da delegación de AGAFI
- El Franco celebrará do 18 ao 20 de setembro o Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades. - O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas. - Derradeira xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi. - María José Gómez asiste á ofrenda da Virxe dos Remedios
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo. - O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba. - O Centro de Formación Ocupacional de Burela acolle un curso de español para persoas estranxeiras
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
2021 Crónica 3 A Mariña - Implementado por GaliciaDigital