O venres 3 de novembro celébrase o día dos barrenderos. Nun día tan sinalado para recoñecer o importante labor social deste colectivo, pediríalles un enorme favor: que varresen da nosa comarca a todos estes políticos inoperantes e con escasísimo poder de resolución.
Esta petición vén a colación porque o pasado 1 de novembro, nunha visita á miña nai que vive na Feira de Galdo, a escasos 100 metros da casa que ardeu o 2 marzo do 2016, comprobo con total impotencia que aínda non se iniciou a reconstrución da vivenda arrasada polo lume, que custou a vida da súa propietaria, Maria Angeles Dovale, de 42 anos e obrigou aos seus fillos e á súa anciá nai a trasladarse a diferentes casas de familiares que os acolleron.
Temos políticos mariñáns en todos os organismos comunitarios, desde a Xunta de Galicia, Deputación Provincial de Lugo, Mancomunidade de Municipios da Mariña, Concellos, etc. e eu pregúntome ¿que opinión terán destes mandatarios todos os veciños que traballaron sen descanso percorrendo porta a porta, organizando unha infinidade de eventos, colocando huchas en case toda a provincia?, ¿e todas as persoas de boa fe que doaron o seu diñeiro, alcanzando un total de case 40.000 €, para ver como dous anos despois, por problemas burocráticos, seguen sen ter permisos para empezar a reconstrución?, ¿Non hai un só político en toda a comarca que de solución a este despropósito?, ¿Ninguén sensible ao drama desta familia?.
E mentres os papeis seguen perdidos polos despachos, pasan os días e por segundo ano volve o Nadal ás nosas casas. A todas, para que as familias reúnanse mentres escoitan pola tele o soniquete dos anuncios .. “vuelve, a casa vuelve, vuelve al hogar”. A todas menos á desta familia de Galdo que seguirá dispersa e sen poder retornar ao seu fogar, a pesar dos esforzos dos seus veciños, que se demostraron insuficientes fronte á insensibilidad oficial.
Fdo.: F.R. Salgueiro
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
