Ribadeo, 8 de novembro de 2017. O BOP e o perfil do contratante do Concello publican hoxe a licitación da obra de mellora das rúas Francisco Lanza e Alfredo Deaño, que están situadas a carón do IES de Ribadeo e da nova residencia de maiores. O investimento ascenderá a 315.000 euros, dos que a Deputación de Lugo aporta o 80% e o Concello o 20% restante. As empresas interesadas en realizar estre traballo contan cun prazo de 26 días naturais para presentar as súas ofertas. Os traballos inclúen, entre outras actuacións, a construción de novas beirarrúas, a instalación de novo alumeado e tamén a plantación de 30 árbores en toda esa zona.
O alcalde, Fernando Suárez, manifestou que “continuamos con moita ilusión e moito traballo sacando adiante cousas positivas para Ribadeo. No día de hoxe sae publicado no Boletín Oficial da Provincia e no perfil do contratante do Concello de Ribadeo, unha licitación dunha obra moi importante, dunha contía sumamente importante, 315.000 euros, para o arranxo integral da rúa Francisco Lanza e da rúa Alfredo Deaño”.
O rexedor salientou que “estas dúas rúas envolven tanto o centro educativo Dionisio Gamallo Fierros como tamén a futura residencia de maiores de Ribadeo. Todo este entorno, que esta moi concorrido polos estudantes dos diferentes centros educativos tanto de Dionisio Gamallo como do Gregorio Sanz e o Porta da Auga, e tamén o vai estar aínda máis dentro de pouco tempo coa posta en funcionamento da nova residencia de maiores de Ribadeo. Por iso quixemos dedicar o Plan Único que temos concertado coa Deputación de Lugo, que outra vez volve ser a entidade supramunicipal que máis nos axuda dado que sufraga o 80% de todo este custe e o 20% restante sufragámolo desde o Concello de Ribadeo”.
Fernando Suárez explicou que “imos renovar as beirarrúas, que están en mal estado, pavimentar con aglomerado asfáltico toda a calzada, e acondicionar tamén un espazo público que temos enfronte do pavillón vello que actualmente se usa como aparcamento e que está nunha situación moi lamentable. Imos completar tamén as instalacións de pluviais, facer un novo alumeado público e no que ten que ver coa rúa Francisco Lanza imos facer as obras desde o encontro coa avenida de América ata a estación de ferrocarril. Imos complementar beirarrúas que faltan por ambas as dúas marxes para que toda a xente que use o tren, que esperemos que sexa máis da que está sendo, poida vir comodamente polas beirarrúas e con toda seguridade. Imos tamén pintar os accesos, sinalizar correctamente e queremos continuar coa plantación de novo arborado, coa plantación de máis de 30 árbores ao longo destas dúas rúas porque nos parecen signos distintivos de todas estas actuacións en rúas e en espazos públicos que levamos facendo ao longo destes anos”.
O alcalde dixo que “o procedemento de licitación é aberto para todas aquelas empresas que estean capacitadas para facer esta obra, o prazo é de 26 días naturais para presentar as ofertas, rematando o 4 de decembro, e os criterios de adxudicación son baseados no prezo e na proposta de melloras”.
As obras de mellora das rúas ribadenses Francisco Lanza e Alfredo Deaño terán un presuposto de 315.000 euros. O BOP e o perfil do contratante publican este mércores a súa licitación
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
