LOURENZÁ, 24 de novembro de 2017.- O PP de Lourenzá insta ao Goberno local a “abandonar a vagancia que ten” e proceda no menor tempo posible á revisión do inventario de camiños de titularidade municipal, que a alcaldesa levou ao Pleno, pero que tivo que retirar da Orde do Día, logo de que o Grupo Municipal Popular detectase importantes erros no mesmo.
É o caso da antiga nacional que dá acceso á localidade de Arroxo, e que foi cedida polo ministerio de Fomento á entidade local, pero que, por mor da inacción dos actuais dirixentes, no citado inventario aínda figura como unha vía estatal. O mesmo acontece, por exemplo, coas pistas forestais ou camiños de monte, que non figuran no documento que os socialistas pretendían aprobar na sesión plenaria.
Cómpre lembrar que o inventario de camiños quedou contratado polo anterior goberno do Partido Popular, para os cales era sumamente importante que recollera todos as vías de titularidade municipal, incluídos os camiños de monte ou pistas forestais a fin de proceder posteriormente a súa conservación e mantemento. O feito de que o inventario presentado non os recolla, consideran que “é unha decisión política errónea, desacertada e que vai en contra do que se considera o bo funcionamento do Concello”, precisan.
A terceira vez que retira un asunto do Pleno
Cabe sinalar, ademais, que esta foi a terceira ocasión que o Goberno local somete un asunto ao Pleno para a súa aprobación, e que ten que ser retirado porque o PP detecta serias deficiencias no mesmo. Desta volta, o motivo da retirada é porque o inventario nin está actualizado, nin inclúe vías que son de titularidade municipal.
“Cremos que estamos ante unha nova deixación de funcións, ante un Goberno que con falta de rigor na súa xestión”. Por este motivo, indican dende o PP, “pedímoslle, unha vez máis, á alcaldesa que se centre e se poña a traballar en serio”. E é que, segundo explican, “non pode ser que xa vaian tres veces que nos presentan un asunto que despois ten que ser retirado porque non o teñen claro ou polos erros detectados pola oposición”. Neste senso, consideran que “o lamentable é que teñan a desfachatez de levalos ao Pleno sen facer antes traballo previo de revisalo, algo que non fixeron. Non se molestaron nin en lelo, xa que non se entende que revisándoo, o presentaran nestas condicións. Se tivesen vergoña, deixarían de presentar chapuzas en Pleno que despois hai que retirar para un estudo posterior. Isto podía entenderse se presentaran un número elevado de iniciativas, pero dáse a casualidade de que, neste caso, ao igual que nos dous anteriores, era o único asunto, fóra dos ordinarios que levaban á sesión”, remarcan.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
