Iniciáronse as obras de Pavimentación e servizos na rúa Lodeiro-Viveiro

Viveiro, 28 de novembro de 2017. As obras consisten en:

– Levantado de pavimento e beirarrúas existentes.
– Dotación de servizos: Entronque cos servizos de saneamentos de pluviais e fecais que proveñen do calexón “Machuco”. Dotación de novo alumeado soterrando a canalización e dotando de novos báculos de iluminación con aforro enerxético.
– Reposición do firme con aglomerado asfáltico para a zona de vial e con baldosas de pizarra negra e loseta de granito gris, con bordillo de granito nas beirarrúas.

Con estas obras, financiadas pola Deputación Provincial de Lugo ao abeiro do Plan Provincial Único de Cooperación cos Concellos 2017, subsanaranse as deficiencias e necesidades que presenta este vial, realizando unha importante mellora ambiental da zona, co conseguinte aforro enerxético e a importante mellora na accesibilidade.

Durante a execución das obras non está previsto modificar o tráfico rodado; con todo, no caso de que nalgún momento puntual sexa necesario realizar algún corte ou modificación temporal, informarase coa anterioridade suficiente. Dende o Concello de Viveiro quérese pedir desculpas polas molestias que estas obras poidan ocasionar, indicando que para calquera dúbida ao respecto poden poñerse en contacto coa Policía Local.