Cervo, 20 de decembro de 2017.- O Concello de Cervo, a través da delegación de Xuventude, deseñou un nova edición do programa Xuventude no Nadal, dirixido aos mozos e mozas de entre 12 e 25 anos.
A edil de Xuventude, Dolores García Caramés, achegouse ata o IES Marqués de Sargadelos para presentarlles as actividades aos rapaces, que se desenvolverán os días 26, 27, 28 e 29 de decembro,
En concreto, o martes 26 de decembro, a partir das 17:00 horas, no Pavillón da Veiga, haberá volei 3×3, baloncesto 3×3 e fútbol 3×3; ademais de pádel e ultimate; que é un deporte de equipo que se xoga con frisbee.
O mércores 27 de decembro, tamén a partir das 17:00 horas, no Pavillón da Veiga, os rapaces poden practicar sumo e loita, divertirse no rocódromo, na pista americana, nos karts a pedais, na barredora, no toro ou coa zorb ball.
Para o xoves 28 de decembro, á mesma hora, na Casa da Cultura de San Cibrao, a delegación de Xuventude está a preparar unha divertida actividade bautizada como escape room ou habitación de escape. Un xogo de aventura físco e mental, no que os participantes estarán encerrados nun cuarto e deberán enfrontarse a diferentes probas e enigmas para conseguir escapar antes de que finalice o tempo.
Xa o venres 29 de decembro terá lugar a clausura do programa durante o Festival Callo Fest; na carpa instalada para a ocasión na Praza dos Campos. Será ás 20:00 horas; haberá medallas para todos os participantes e vales de 50 e 100 euros para os mellores xogadores da cada actividade e categoría, que deberán gastar no comercio local.
Os interesados en participar no programa deben inscribirse na Casa da Cultura de San Ciprián, enviando un whatsapp ao teléfono 691.656.600; ou enviando un correo a dinamizacion@concellodecervo.com
Caramés sinalou que o que pretendemos coa axenda que deseñamos este Nadal é ofrecer alternativas de ocio a todas a franxas de idade; e, neste caso, penso que os máis novos desfrutarán con este calendario de divertidas actividades, moitas delas novidosas.
Enredos de Nadal
Co obxectivo de favorecer a conciliación nestes días de lecer, o Concello de Cervo tamén programou os Enredos de Nadal, dirixidos aos nenos a partir de 6 anos. Serán o 26,27 e 28 de decembro; entre as 11:00 e as 12:30 horas para os pequenos de infantil; e entre as 12:30 e as 14:00 horas para os de primaria, tanto na Casa do Mar de San Ciprián como na Praza do Souto, en Cervo; ou no Ecomuseo se o tempo non acompaña.
E tamén o 27 e 28 de decembro os nenos poderán enredar de tarde na Praza do Souto (Ou Ecomuseo) a partir das 17:00 horas. A inscrición debe facerse o mesmo día da actividade.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
