Viveiro 24-1-18. Ao longo do pasado ano, o Concello de Viveiro tramitou máis de 300 solicitudes de uso de locais de titularidade municipal e de préstamo de material para a celebración de eventos e actividades diversas.
Entre os locais e espazos máis demandados cómpre citar a sala multiusos da casa do concello, a sala de exposicións da biblioteca municipal, o salón de actos do Conservatorio Profesional de Música ou o Teatro Pastor Díaz. Tamén se tramitaron expedientes autorizando o uso de divesos pavillóns; da Aula Cemit; dos locais sociais de Galdo e Covas; da Casa do Forno; de diversas dependencias ou partes do Pazo da Misericoria; dos locais dos Claustros de San Francisco; ou, mesmo, de espazos públicos como a Praza Maior ou a Praza da Fontenova, entre moitos outros.
Grazas a estas cesións, que se realizan de forma gratuíta, organizáronse eventos de moi diverso tipo: xuntanzas informativas, reunións e asembleas; accións formativas; festivais de nadal, entroido ou fin de curso; competicións deportivas; concertos, representacións teatrais ou presentacións literarias; exposicións; etc. Ademais, mediante a cesión de espazos de titularidade municipal e o préstamo de material o concello tamén vén colaborando anualmente na celebración de distintos eventos, como poden ser os distintos actos da Semana Santa, a Camovi, a Mostra Folclórica Internacional, a Festa da Merluza, as festas parroquiais ou o Resurrection Fest, entre moitas outras actividades que se veñen celebrando de forma periódica cada anualidade.
Polo que atinxe ao material, cómpre sinalar que o concello procura atender as solicitudes que se presentan, facilitando, na medida do posible, o préstamo de sillas, cabaletes, tarimas, pantalla e proxector, casetas, parrillas, vallas e un longo etcétera de material diverso. Neste sentido, cómpre destacar o elevado número de solicitudes presentadas con motivo da Feira Renacentista para o préstamo de mesas e cadeiras, nas que, entre particulares e negocios de hostalería, se solicitaron 70 taboleiros e 775 sillas, unha cifra moi superior ao material dispoñible.
En canto aos solicitantes de espazos e material de titularidade municipal, cabe sinalar que a maior porcentaxe corresponde a asociacións veciñais, culturais ou deportivas do municipio, aínda que tamén se atenden solicitudes de asociacións doutros concellos, de agrupacións políticas, de centros educativos ou de particulares.
Finalmente, ademais da cesión de uso de espazos de titularidade municipal e do préstamo de material, dende o concello tamén se colabora con multitude de actividades mediante a colaboración dos propios departamentos, maioritariamente a través da Policía Local, de Protección Civil ou do Departamento de Obras.
Esta é unha mostra da aposta que se fai dende o Concello de Viveiro poñendo a disposición da veciñanza, sempre que é posible, os recursos propios co fin de dinamizar o municipio e favorecer a organización de actividades de distinto tipo.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
