Lugo, 22 de febreiro de 2018- O subdelegado do Goberno en Lugo, Ramón Carballo, e o alcalde de Ribadeo, Fernando Suárez, copresidiron esta mañá a reunión ordinaria da xunta local de seguridade, na que se fixo unha análise da situación delincuencial no municipio así como un repaso dos distintos plans de seguridade que se desenvolveron ao longo do ano 2017.
Ademais do subdelegado e do alcalde, na xuntanza participaron tamén a xefa da Unidade contra a violencia sobre a muller da Subdelegación do Goberno, e representantes da Garda Civil, o Subsector de Tráfico, a Policía Autonómica e a Policía Local.
OS DATOS
Os datos oficiais presentados esta mañá revelan un lixeiro aumento das infraccións penais denunciadas en Ribadeo ao longo do ano 2017. Fronte a esa tendencia, destaca especialmente o descenso dos delitos contra a seguridade colectiva –nos que se enmarcan os delitos contra a saúde pública e contra a seguridade vial- que se reduciron en preto dun 70%.
Para revertir a suba da delincuencia aprezada en 2017 e previr a comisión de novos delitos, especialmente dos delitos contra o patrimonio que son os que maior incidencia teñen no municipio e os que maior intranquilidade xeneran, a xunta local de seguridade acordou intensificar a vixianza, tamén nocturna, por parte dos corpos policiais con presenza no municipio, así como reforzar a colaboración xa existente entre eles para esclarecer os delitos que se chegaron a producir.
Segundo se espuxo tamén na xuntanza, a Garda Civil resolveu o ano pasado a metade dos delitos de maior consideración (os catalogados como graves e menos graves) que se denunciaron en Ribadeo. Detiveron a 42 persoas e investigaron a outras 14.
ROUBOS EN ESTABLECEMENTOS HOSTELEIROS
Os membros da xunta de seguridade referíronse tamén aos roubos en establecementos hosteleiros rexistrados nos últimos meses no municipio. Neste senso, o subdelegado recoñeceu que estes feitos causan unha “lóxica sensación de inseguridade”. Trátase non obstante, e segundo explicou, “de feitos illados” pero “as Forzas e Corpos de Seguridade do Estado están xa a traballar de xeito intenso para frear estes episodios”. Na xuntanza lembrouse ademais que no mes de decembro non se presentou ningunha denuncia por esta tipoloxía delictiva no municipio, en xaneiro presentáronse dúas, e no que vai de febreiro, outras dúas (unha delas, por roubo en grao de tentativa, xa que únicamente se rexistraron danos na porta do local). A meirande parte de denuncias por delitos contra o patrimonio que se están a presentar en datas recentes en Ribadeo son, como constataron os corpos policiais, por furtos de carteiras e móbiles, principalmente.
MELLORA DA SEGURIDADE ESCOLAR
Ramón Carballo fixo tamén un breve repaso dos plans operativos impulsados pola Secretaría de Estado de Seguridade que se aplicaron en Ribadeo durante o pasado ano, destacando a súa acollida e bos resultados. É o caso do Plan director para a convivencia e a mellora da seguridade escolar e as súas contornas, o Plan maior de seguridade ou o Plan operativo de resposta policial ao tráfico minorista e consumo de drogas en zonas, lugares e locais de ocio, entre outros.
Salienta de xeito especial a consolidación do Plan director para a convivencia e a mellora da seguridade escolar que, a través de charlas por parte de persoal das Forzas e Corpos de Seguridade do Estado, pón a disposición dos centros de ensino a asistencia técnica que precisan para previr e abordar os episodios graves que poidan ameazar a convivencia escolar, así como axuda a mellorar o coñecemento de alumnado, pais e nais e profesorado sobre os problemas de seguridade que afectan aos máis novos.
No actual curso académico, representantes das Forzas e Corpos de Seguridade impartiron 4 charlas en centros de ensino do municipio mariñano: 2 sobre os perigos do alcohol e as drogas, 1 sobre os riscos en internet e as novas tecnoloxías e 1 sobre acoso escolar. Están pendentes de realizar outras 9, no CPR Sagrado Corazón, o CIFP Porta da Auga e o IES Dionisio Gamallo Fierros, todas con data xa fixada.
No curso 2016-2017, os centros ribadenses acolleran un total de 8 charlas nas que se abordaron, ademais das temáticas anteriores, aspectos relacionados coa prevención dos lumes forestais.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
