A Mariña, 24 de febreiro 2018. Na tarde de hoxe, o BNG realizou un acto simbólico na N-634, na Xesta, á altura do km 596, donde remata o carril lento. O obxecto desta acción da formación nacionalista era por unha banda, denunciar a situación de aillamento e marxinación á que os sucesivos gobernos do Estado someteron e someten a esta comarca en materia de infraestruturas, e por outra propoñer a prolongación do terceiro carril, desde o p.k. 596 nun tramo de 4,89km, ata a rotonda de enlace coa A-8.
O BNG xa propuxo en 2015 no pleno de Mondoñedo, prolongar o terceiro carril, e foi aprobado unánimente, pero ata o de agora, Fomento nada fixo
Eloi Cabanas, portavoz do BNG en Mondoñedo explicou que esta xa fora unha proposta do grupo municipal nacionalista no pleno mindoniense do 30 de outubro de 2015 e que fora aprobada unánimemente. Esta proposta preséntase como alternativa aos continuos peches da A-8 no Fiouco, a raíz dos cales moitos transportistas decidiron desistir de utilizar a autovía pola perigosidade do Fiouco e tamén polo menor consumo de combustible que supón o traxecto de 18km pola N-634, que ainda que son 2 mais ca o traxecto por autovía, o tempo é prácticamente o mesmo e o aforro económico, moi considerable.
“Cando venen de cumprirse catro anos da apertura do Fiouco, seguimos escoitando aos representantes de Fomento falar de concursos de ideas para solucionar o problema da néboa pero o tempo vai pasando e solucións prácticas ainda non vimos ningunha, e solo sabemos que eses concursos de ideas costannos 6 millóns de euros. A proposta que fixemos no seu día e que ratificamos hoxe, tería un custo moito menor” manifestou o portavoz do BNG en Mondoñedo.
A falta de compromiso coa Mariña dos diferentes gobernos do Estado, leváronnos a esta situación
No acto intervíu tamén a responsable comarcal Ana Ermida que fixo fincapé nas múltiples iniciativas que o BNG tén dirixido a Fomento desde o Congreso dos Deputados para axilizar os trámites para o inicio da autovía Barreiros – San Cibrao e para a total rexeneración das estradas N-642 e N-634. Según a portavoz nacionalista, “o estado de abandono no que se atopan as principais vías de comunicación da Mariña, e o esquecemento da autovía Barreiros – San Cibrao, reflicten a marxinación á que os sucesivos gobernos do Estado someteron e someten a esta comarca”, e engadíu tamén: “A paralización do corredor San Cibrao – Ferrol por parte da Xunta prorrogando prazos ano tras ano e con só 15km executados dos 90 previstos dan boa fé tamén do pouco que ao PP lle importa esta comarca, á que lle desmantelan a sanidade pública e a aillan e marxinan en materia de vías de comunicación”.
O BNG levará tamén esta problemática ao pleno da Deputación para trasladarllo a Fomento
Todas estas demandas serán trasladadas tamén en forma de moción ao pleno da Deputación de Lugo que se celebrará o próximo martes, co obxecto de dirixirllas tamén desde alí ao Ministerio de Fomento. Neste sentido, o deputado provincial do BNG Antonio Veiga afirmou que “a Deputación debe facerse eco tamén situación das vías de comunicación na Mariña, e reclamar unha solución urxente para as mesmas, pois esta comarca, que porcentualmente supón perto dunha terceira parte do PIB da provincia de Lugo non se merece esta inxustiza e esta discriminación”.
Na moción presentada na Deputación, instase ao pleno provincial a adoptar os seguintes acordos para trasladar ao Ministerio de Fomento: axilizar a licitación, adxudicación e execución da obra de rehabilitación estrutural do firme da N-642 e mentras tanto proceder ao mantemento da mesma nas debidas condicións de seguridade; desbloquear a paralización da autovía Barreiros-San Cibrao dotándoa da correspondente consignación orzamentaria no exercicio 2018, e por último, prolongar o terceiro carril de subida pola N-634, dende o p.k. 596 ata o enlace coa A-8, no Alto da Xesta.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
