As nosas fillas seguirán a falar a propósito da igualdade e da xustiza, ambos conceptos filosóficos. Tamén, seguro, da liberdade.
A liberdade para decidir sobre elas mesmas e sobre aquelo que lles pertence.
Seguirán vixentes os vellos postulados: a liberdade soamente se pode realizar cando para todos valen as mesmas regras, a partir das que cada un actúa e decide.
Por iso mesmo, visto do dereito ou do revés, de costas ou de fronte, en perspectiva aérea, cónica ou panorámica será xusto tratar igual ás persoas que son iguais e imprescindible dar un tratamento diferenciado ás nosas fillas.
E isto porque as súas nais percibiron pensións que eran 450 € de media inferiores ás dos seus homólogos masculinos, porque os seus salarios diferenciáronse nun 24% con respecto a estes e porque asumiron todas as tarefas de coidado doméstico, familiar e dependencia.
Haberá que explicarlle ás nosas fillas que a economía tamén discriminou ás súas proxenitoras: que o traballo non remunerado non só pode ser unha forma de escravitude senón que, no mellor dos casos, é un desprezo, a ausencia dun recoñecemento mínimo de esforzo.
¿Imaxinan o custe de oportunidade que supón criar nenos, coidar durante anos anciáns dependentes, adicarlle un tempo de catro horas e media ás tarefas relacionadas co fogar?
Igualmente teremos obriga de facer pedagoxía con respecto á liberdade, dicirlles que as súas nais foron avaliadas constantemente polo seu físico, pola súa indumentaria, desprezadas polas súas ideas cando non eran de sometemento e reprimidas na súa condición sexual.
Sangue, suor e lágrimas para recoñecer un marco xurídico no que se fixera un recoñecemento expreso a todas estas circunstancias: a Asemblea Xeral das Nacións Unidas aprobou en decembro de 1979 a Convención sobre a eliminación de calquera forma de discriminación sobre a muller que foi ratificada por España no ano 1983.
O 22 de marzo de 2007 entrou en vigor a lei orgánica para a igualdade efectiva entre homes e mulleres coa fin de combater todas as manifestacións aínda vixentes de discriminación por razón de sexo e a promover a igualdade real entre homes e mulleres.
A vella historia segue a repetirse, as leis que mudan sen unha verdadeira transformación social tras de si son só cargos de conciencia, propósitos de enmenda irresolutos.
Por iso haberá que inculcarlle ás nosas fillas que só existe un único xeito de aprender a liberdade ou a igualdade: exercéndoa.
Con Pólvora e Magnolias: “As nosas fillas”
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
