Nota de Prensa
A provincia de Lugo perderá 12 millóns de euros ó rebaixar o Estado o importe das transferencias ás administracións locais
* Os populares alertan de que esta merma de fondos repercutirá negativamente nos veciños da provincia porque os concellos veranse obrigados a reducir os seus orzamentos
Lugo, a 21 de xaneiro de 2010.- “O despilfarro do Goberno Zapatero, representado en Lugo por Gómez Besteiro, vano a pagar os concellos da nosa provincia”. Así de contundente se amosou hoxe o Presidente do Partido Popular de Lugo José Manuel Barreiro á hora de valorar a enorme repercusión negativa que para a provincia de Lugo vai a ter o feito de que os concellos vexan mermados en conxunto este ano os fondos que reciben do Estado nun 9,2 por cento con respecto ó pasado ano.
Barreiro, que compareceu acompañado do voceiro adxunto dos populares na Deputación José María González Barcia, salientou que a drástica rebaixa das transferencias do Estado nalgúns concellos, polo importe que suporá, afectará moi negativamente ós seus propios orzamentos. Puxo coma exemplo o caso de Becerreá, onde a rebaixa das transferencias do Estado alcanzará o 17,56%; o 15,68% en Trabada; o 15,56% en Carballedo; o 14,21% en Baralla ou mesmo a capital provincial onde a reducción das transferencias do Estado será do 10 por cento.
A Deputación provincial tampouco será allea a esta rebaixa de fondos, xa que, en comparanza co 2009, recibirá un 9,5 por cento menos, o que equivale a dicir 6,5 millóns de euros.
En conxunto, a provincia de Lugo, tanto no que atinxe ós cartos que deixarán de percibir os municipios como a propia administración provincial, verá reducida a súa disposición de fondos, o que equivale a dicir a súa capacidade orzamentaria, en 12 millóns de euros.
“Se a esto lle sumamos que todos os municipios, en maior ou menor medida, veñen alertando nos últimos meses de que os ingresos directos que perciben vía impostos están menguando de xeito alarmante, fundamentalmente polo práctica paralización da actividade na construcción, non é esaxerado concluir que se aveciñan moi malos tempos, por non dicir alarmantes, para a gran maioría dos concellos da nosa provincia”, explicou José Manuel Barreiro.
Barreiro e Barcia lembraron que o seu partido xa advertira do forte impacto que a anunciada reducción das transferencias do Estado ía ter nas administracións locais. Así, segundo explicaron, presentaron na Deputación e en varios concellos da provincia unha moción para que se instara ó Goberno central a manter o volume das transferencias no mesmo nivel de 2009 debido as grave crise económica existente. “Os socialistas rexeitaron de plano a nosa iniciativa e agora empezan a atisbarse as consecuencias, que acabarán repercutindo moi negativamente en cada un dos veciños da provincia de Lugo”, engadiron.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
