ALFOZ .- A secretaria xeral de Familia e Benestar, Susana López Abella, na visita que realizou ao concello de Alfoz adiantou que a Consellería de Traballo e Benestar asinou un convenio coa administración central a través do Plan Educa polo que se procederá á reforma e equipamento do inmoble que albergará a escola infantil sita nas antigas escolas de Carballido
NOTA DE PRENSA
Emilio Lousas xunto co seu Equipo de Goberno mantivo unha xuntanza de traballo coa secretaria xeral de Familia e Benestar no día de onte na Casa do Concello
O ALCALDE SATISFEITO DESPOIS DE QUE A XUNTA ANUNCIARA A DOTACIÓN DUNHA ESCOLA INFANTIL NO MUNICIPIO
· A Consellería de Traballo e Benestar asinou un convenio coa administración central a través do Plan Educa para a reforma e equipamento do inmoble que albergará esta instalación nas antigas escolas de Carballido.
· Susana López Abella tamén comprometeuse á finalizar os trámites administrativos previos á apertura da vivenda comunitaria, que entrará en servizo no mes de febreiro, e visitou os terreos onde se estuda instalar unha residencia para persoas maiores
Alfoz, 21 de xaneiro de 2009.- O Alcalde de Alfoz, Emilio Lousas, amosou a súa satisfacción e a do seu Equipo de Goberno despois dos compromisos acadados pola secretaria xeral de Familia e Benestar na súa visita no día de onte ao concello. Susana López Abella adiantou que a Xunta dotará dunha Escola Infantil ao municipio para o que a Consellería de Traballo e Benestar asinou un convenio coa administración central a través do Plan Educa, polo que se procederá á reforma e equipamento do inmoble que albergará esta instalación, sita nas antigas escolas de Carballido. O alcalde salientou que esta nova Escola Infantil contribuirá non só ao asentamento da poboación senón incluso ao fortalecemento dos servizos de benestar e ao desenvolvemento integral do concello.
Por outra banda o primeiro edil tamén felicitouse polo compromiso acadado ao respecto da construción dunha residencia para persoas maiores. O Equipo de Goberno aproveitou a visita da secretaria xeral de Familia e Benestar para facerlle entrega dunha memoria do anteproxecto e visitaron o solar de 4.000 metros cadrados onde se está a estudar a ubicación da fultura residencia. O compromiso da Xunta é elaborar o estudo correspondente tanto para desenvolver a obra como respecto da análise do financiamento necesario.
Finalmente, a dirixente autonómica explicou que desde a administración autonómica están a finalizar os trámites previos á apertura do piso tutelado que existe neste municipio, que entrada en servizo o vindeiro mes de febreiro
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
