Ribadeo, 7 de abril de 2018. O alcalde, Fernando Suárez, agradece a viaxe a Lugo dos concelleiros do equipo de goberno, da maioría dos partidos da oposición e dos representantes das asociacións veciñais que onte se desprazaron ata a Deputación de Lugo para seguir de cerca o pleno no que se ía abordar o futuro da nova residencia de maiores. Barcia subliña que será a Xunta de Goberno da institución provincial a que a vindeira semana dea luz verde ao convenio asinado hai uns días polas dúas administracións e que toca seguir traballando conxuntamente e superando “os obstáculos que nos poñan”.
O rexedor explicou que “fomos para Lugo moi preocupados e moi decepcionados polo que esperabamos que pasase no pleno da Deputación, onde se xogaba o futuro do noso soño colectivo: a residencia de maiores. Pero agora vimos de volta moi esperanzados e moi ilusionados porque outra vez mais, e xa van varias, que a razón, a legalidade e o sentidiño permite manter o proxecto dunha residencia cuns servizos de primeira, preferentemente para @s nosos veciñ@s e a uns prezos acordes cos seus ingresos”
Suárez Barcia dixo: “parece ser que todo isto molesta. Molesta moito aos que non queren que isto vaia adiante. Alegrámonos moito coa actuación do goberno da Deputación e dos deputados que apoiaron estes Convenios bilaterais (entre Concello e Deputación) para honra non nosa, senón dos nosos paisanos e paisanas maiores que queren pasar os seus derradeiros anos preto do seu entorno, preto da súa familia”.
Para o alcalde “tamén quedaron retratados, vaia se quedaron os que en Ribadeo votan unha cousa e ao mesmo tempo en Lugo pretenden votar o contrario. Pero a xente debe sabelo. ¡Vaia se o debe saber! Chamei a todos os grupos para que nos acompañaran a presenciar o debate, ¿lembrades? Pois foron concelleir@s de todos os grupos, do goberno e da oposición, de todos, menos dun. A foto ilustra ben os que están e os que faltan”.
Suárez Barcia engadiu: “xunto cos meus compañeir@s de goberno quero valorar publicamente o apoio de Marta Saiz de Ciudadanos, e de Aurora González do PSOE, así como dos representantes das Asociacións Veciñais que estiveron mirando aos ollos dos que quixeron deixar a residencia de maiores de Ribadeo malparada”.
O rexedor ribadense subliñou que “agora toca que a Deputación aprobe para a semana que vén, non no Pleno, senón na Xunta de Goberno, onde si ten maioría para sacar adiante estes marabillosos, legais e progresistas Convenios, entre eles o da nosa residencia de maiores. E toca seguir traballando conxuntamente Concello e Deputación para seguir tirando polo carro e sabendo que aínda haberá mais paus nas rodas, seguro que os haberá. Pero habemos superalos e habemos sortear todos os obstáculos que nos poñan. Non lles temos medo cando temos a razón, a legalidade e o calor de moita boa xente da nosa parte. Boa fin de semana e que viva Ribadeo. Saúde e terra”.
Fernando Suárez dirixiu tamén a seguinte mensaxe final: “para todos os que vos empeñades en poñer trabas ás cousas boas que se fan pensando na xente maior, quérovos dedicar a letra da canción que vai no enlace, especialmente o estribillo. Venvos moi acaída.
Mais aínda seguimos aquí
a aturar tempestades de sal,
resistindo a violencia de mans
desas serpes e cans que nos queren calar.
Compañeiras nos soños do Edén,
unha illa no medio do mar,
que iluminan o loito máis negro,
que esquece o desterro e o medo a loitar”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
