Ribeira de Piquín, 17 de abril de 2018.- O Alcalde Socialista de Ribeira de Piquín, Roberto Fernández Rico, trasladou ao Delegado Territorial da Xunta en Lugo, José Manuel Balseiro, as cinco débedas pendentes “máis salientables” que o Goberno galego do PP mantén cos veciños deste Concello. Fíxoo durante a visita do Delegado ao municipio, facéndolle entrega dun documento coa relación das mesmas.
1ª DÉBEDA: Cesión dun vehículo motobomba. O Alcalde explicou que Ribeira de Piquín é un dos poucos Concellos da provincia sen equipamento para a extinción de incendios, que o 80% da superficie do municipio é forestal e que fixo esta reclamación á Conselleira de Medio Rural, á Xefa Territorial de Medio Ambiente e ao Director Xeral de Montes. Esta é unha das principais necesidades do Concello, que o Alcalde busca resolver dende hai tres anos e que agarda que así sexa ante da vindeira seca.
2ª DÉBEDA: Limpeza e conservación da área recreativa da Retorta e do muíño de Fidalgo, que son de titularidade autonómica. O Rexedor lembrou que as actuacións levadas a cabo nesta contorna se fixeron con fondos municipais, como o arranxo do refuxio de pescadores, pois destacou que están asentadas a carón dunha das rutas de sendeirismo do Concello, sendo un atractivo turístico. Fernández Rico pide á Xunta actuacións de mantemento ou ben a súa cesión ao Concello.
3ª DÉBEDA: Reconversión das instalacións piscícolas de Santalla nun centro de formación e produción ecolóxica. O Alcalde traballa nun proxecto de promoción do emprego e do turismo do Concello mediante a posta en valor da piscifactoría, que está en desuso dende 2013. Busca converter estas instalacións nun lugar de interese para os visitantes onde se impartan xornadas sobre pesca. O Rexedor está a manter contactos con outras administracións e coa propietaria da piscifactoría para tentar desenvolver un proxecto conxunto.
4ª DÉBEDA: Colaboración administrativa e económica no Centro de Día Municipal. O Rexedor explicou que o Concello ten listas as obras, que financiou con 275.000 euros da Deputación, así como o regulamento e o plan de viabilidade. Por este motivo, nos vindeiros días solicitará á Xunta de Galicia o Permiso de Inicio de Actividade (PIA), agardando axilidade na súa concesión para poder abrir estas instalacións. O Alcalde pide colaboración no financiamento das 24 prazas que ofrece o centro de día para garantir a todos os veciños o acceso ás mesmas.
5ª DÉBEDA: Execución de traídas de auga. Durante os últimos tres anos, o Alcalde mellorou varias traídas de auga con fondos do Concello polo que agarda que a Xunta de Galicia colabore neste eido, tendo en conta que é a administración que recibe os fondos municipais polo canon da auga.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
