Viveiro, 18 de abril de 2018.- A Xunta de Galicia sufragou con 94.860 euros as obras de reposición de infraestruturas básicas e mellora urbana executadas recentemente na Rúa Grande de Celeiro, en Viveiro, financiadas a través do Fondo de Compensación Ambiental que xestiona a Vicepresidencia e Consellería de Presidencia, Obras Públicas e Xustiza.
O delegado territorial da Xunta en Lugo, José Manuel Balseiro, desprazouse hoxe ata Celeiro para comprobar o resultado dos traballos, acompañado pola alcaldesa da localidade, María Loureiro, e o xefe territorial da consellería de Presidencia, José Manuel Rozas, entre outros.
As actuacións incluíron a substitución do pavimento e dos servizos de abastecemento e saneamento, así como outras melloras estéticas como a canalización do cableado da iluminación pública ou da telefonía que discorría polas fachadas e traballos para facilitar o futuro soterramento das instalacións eléctricas e de telecomunicacións.
A este propósito de mellorar a imaxe visual do entorno responde tamén o cambio de pavimento. Ao respecto, cabe destacar que a intervención afecta a un tramo da rúa de 75 metros de lonxitude -situado entre os números 70 e 96- e da continuidade a unha actuación anterior, polo que se colocaron baldosas de granito gris semellante ao utilizado no resto da rúa e do núcleo urbano de Celeiro.
No tocante ás obras de infraestruturas, consistiron na substitución total da rede de saneamento e abastecemento, aumentando a sección dos tubos e incluíndo unha rede separativa de pluviais para garantir o bo servizo da instalación.
Estas obras inciden no mellor funcionamento dos servizos urbanos para os veciños e veciñas da zona e tamén no maior atractivo dunha das vías principais de Celeiro, que comunica o núcleo urbano co porto.
José Manuel Balseiro destacou que o Fondo de Compensación Ambiental beneficia aos concellos que acollen parques e instalacións eólicas e está orientado a sufragar accións de mellora medioambiental. Neste sentido, indicou que este programa pon de manifesto o compromiso da Xunta co medio ambiente e co desenvolvemento equilibrado do territorio.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
