Foz 24-04-2018.- Improvisación e mala xestión. Cando o alcalde de Foz, Sr. Javier Jorge Castiñeira, solicitou á Xunta de Galicia a encomenda de xestión da nova residencia, aduciu como motivos unha maior celeridade na apertura do servicio e a conservación de tódolos postos de traballo do vello asilo. Máis de dous anos despois, seguimos coa residencia pechada, coas instalacións degradándose e cos nosos maiores aparcados nas instalacións do antigo asilo, completamente desfasadas.
Neste tempo o alcalde presentou diversas mocións, virando da súa idea inicial de adxudicación directa, a dedo, a unha licitación en concurso público. Pasou de garantir no 2016 a conservación de tódolos postos de traballo do vello asilo a dar a calada por resposta. Fixeron falta dous anos e multitude de informes xurídicos para que o alcalde empezase a entender que hai unha legalidade que cumprir, dous anos perdidos sen residencia.
O PSOE quere recordar que a competencia na materia de residencias de maiores é da Xunta de Galicia, que foi quen construíu o edificio e a encargada do funcionamento do servizo a través do Consorcio Galego do Benestar. Cando o alcalde solicita a xestión, o Concello de Foz asume unha competencia impropia, estando obrigado a presentar e cumprir un Plan Económico – Financeiro para garantir o equilibrio das contas.
O Anteproxecto para a xestión da residencia que presenta o concello establece uns prezos para os usuarios de entre 900 e 1.375 euros, en función do grao de dependencia. Isto é, que o usuario asuma todo o custo do servizo: quen se pode permitir pagar 900 euros ó mes? Que acontece coa xente que ten menos recursos?
A media de pensións en Galicia é de 900 euros ó mes: todos os pensionistas con ingresos por debaixo desa media non poderían acceder á residencia de Foz, a gran maioría dos nosos maiores.
Nas novas residencias de Trabada e Ribadeo, conveniadas coa Deputación de Lugo, os usuarios aportarán como máximo o 75% da súa capacidade económica: unha persoa cunha pensión non contributiva poderá acceder a unha praza por menos de 300 euros ó mes, o importe restante apórtano Deputación e Concello. Unha xestión similar acontece nas Residencias da Xunta.
Desde o PSOE de Foz denunciamos a opción do alcalde: unha residencia elitista, só accesible para xente cunha capacidade económica moi elevada. Defendemos o dereito dos nosos maiores a acceder a unha praza nunha residencia pública, pagada con diñeiro de todos. Defendemos a necesidade de que as administracións garantan unhas condicións de vida mellores ós anciáns e á xente máis vulnerable, ás persoas sen recursos.
Non estamos de acordo con este modelo de residencia, inxusto e anti-social. A improvisación e a falta de xestión do alcalde queda outra vez exposta: traballaremos para que isto cambie. Foz ben o merece.
Un maior de Trabada ou Ribadeo poderá acceder ás novas residencias con menos de 300 euros ó mes: en Foz necesitará aportar ata 1.375 euros, indican os socialistas
Relacionado
-
Tapia de Casariego reabre o seu Albergue de Peregrinos tras unha inversión superior aos 200.000 euros
-
O criadoiro do Vicedo consolídase como infraestrutura clave para garantir cría de bivalvos ao sector marisqueiro
-
O BNG denuncia a suspensión do pleno en Riotorto e acusa ao goberno de limitar o debate democrático
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
