Lugo, 2 de maio de 2018.- A Consellería de Política Social, a través da Dirección Xeral de Xuventude, Participación e Voluntariado, oferta na provincia de Lugo 2.235 prazas dentro da campaña de verán 2018; son 80 máis que o ano pasado, o que supón un incremento do 4%
Estes datos foron dados hoxe a coñecer polo delegado territorial, José Manuel Balseiro, durante a presentación da programación de campamentos e campos de traballo para a mocidade que ofrece a Xunta na provincia e que supón un orzamento de 759.487, 75 euros.
Balseiro explicou que dende o 21 de xuño e ata o 30 de agosto sucederanse 26 campamentos, en distintas quendas e agrupados por tramos de idade -poden asistir nenos e nenas dende os 9 aos 17 anos-, que se desenvolverán nas instalacións da Xunta en Viveiro, Portomarín, Ribadeo, Palas de Rei, Lugo, Os Peares e no albergue municipal de Quiroga.
Ademais, Viveiro e Ribadeo acollerán tres campamentos en oferta concertada e o LUG II, na capital, a actividade “Conecta con Galicia”, para maiores de 14 anos.
Igualmente, haberá 7 campos de traballo internacionais para persoas de entre 18 e 30 anos, nos que poden participar descendentes de galegos residentes no exterior, e que terán lugar en Quiroga, Folgoso do Courel, Pantón, Portomarín, Xermade, Guitiriz e Pobra de Brollón.
O delegado territorial subliñou “o incremento constante que vimos experimentando cada ano tanto no número de prazas como no orzamento destinado á provincia na campaña de actividades de verán”.
Igualmente, destacou que a presente convocatoria “afonda no carácter inclusivo das actividades de verán que organiza a Xunta, ao reservar máis prazas para fillos e fillas de mulleres vítimas da violencia de xénero, para menores en situación de garda ou tutela administrativa e para mozos e mozas con discapacidade”. En concreto, para estas situacións hai reservadas 30 prazas en Lugo.
Balseiro lembrou que os mozos e mozas lucenses poden acceder ás 9.870 prazas que oferta a Xunta no seu conxunto, nas catro provincias galegas e mesmo fóra de Galicia. Así, grazas a acordos con outras comunidades, ofrécense preto de 315 prazas en campamentos do País Vasco, Castela e León, Estremadura, A Rioxa, Madrid e, como novidade este ano, Cantabria.
Do mesmo xeito, nas actividades da Xunta resérvanse prazas para a mocidade doutras comunidades. En concreto, en Lugo hai 87 abertas a persoas procedentes de Álava, A Rioxa, Castela León e Madrid.
As persoas interesadas teñen de prazo ata o día 18 de maio para presentar as solicitudes. A oferta concreta de datas, lugares, grupos de idade e outros datos pode consultarse na páxina web da Xunta, na área de Xuventude, onde atoparán o folleto informativo, ou no Diario Oficial de Galicia do día 25 de abril; nos seguintes enlaces:
https://www.xunta.gal/dog/Publicados/2018/20180425/AnuncioG0425-170418-0007_gl.html
http://xuventude.xunta.es/accion-de-veran
A Xunta incrementa nun 4% as prazas de ocio e tempo libre que oferta á mocidade en Lugo na campaña de verán 2018
-
SeguinteUn personal shopper acompañará á gañadora da campaña do día da nai de Acisa para gastar nun día os 300 euros do premio, que inclúe un tratamento de beleza, unha xoia e roupa ou complementos. Aquelas persoas que estes días merquen nos locais asociados deberán estar atentos ao sorteo extraordinario da Once do 6
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
